Mateo 16:24 - Manobo Western Bukidnon

²⁴ Ne zutun migkag̵i si Jesus diyà te menge sumusundan din te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan ke iyan ibpatey zin. Ne human ebpekesunud kedì.

Mateo 16:24 Кръстосани препратки

Mateo 10:38

Minsan hentei he kenà edsundan kedì ne kenè din edtiangen is krus din, he ke và dà egkeg̵iya, kenè din edtumanen is menge sug̵ù ku su kela ke iyan ibpatey zin, kenà dait sikandin he egngezanan he sumusundan ku.

Mateo 27:32

Ne ziyà te zalan he ibayè dan nesinug̵ung dan is etew he tigSirini he egngezanan ki Simon. Ne mibpeg̵es dan haazà ipetiang duen te krus he edtiangen ni Jesus.

Marcos 10:21

Ne si Jesus, midtengtengan din haazà is etew su ingkehizu zin ne ke sikandin te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Marcos 15:21

Ne ziyà te zalan duen nesinug̵ung dan he etew he tigSirini he egngezanan ki Simon, he amey ni Alejandro wey ni Rufo. Heini si Simon, diyà ebpuun te unayan ne edhendiyà te inged. Ne mibpeg̵es dan ipetiang dutun te krus he edtiangen ni Jesus.

Marcos 8:34

Ne zutun impeuvey ni Jesus diyà te kandin is menge etew wey menge sumusundan din. Ne ke sikandin te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Lucas 14:27

Ne iring din ded daan sikan is etew he egkesuat he edsundan kediey, iyan, kenà edtiang te krus din, he ke và dà egkeg̵iya, egkehandek he edtuman te menge sug̵ù ku su kela ke iyan ibpatey zin, ne kenà daan egkehimu he tutuu sikandin he sumusundan ku.

Lucas 23:26

Ne zutun migkuwa zan si Jesus ne migenat dan su ed-uwiten dan pehendiyà te g̵awas dutun te inged. Ne ziyà te zalan nesinug̵ung dan is etew he tigSirini he egngezanan ki Simon. Heini si Simon, diyà ebpuun te unayan ne edhendiyà te inged. Ne mibpeg̵es dan ipetiang dutun te krus he edtiangen ni Jesus.

Juan 19:17

ne migawas dan dutun te inged ne impetiang dan ki Jesus haazà is krus he edrensangan kandin. Midhendiyè dan te egngezanan te Tulan te Ulu. (Ne te kineg̵iyan he Hibriyuhanen egngezanan te Gulguta.)

Juan 21:19

(Umba migkag̵i ni Jesus heini su idtazem din is paag̵i te kebpatey ni Pedro he egkevantug din is Megbevayà.) Ne te nekag̵i ni Jesus heini, mid-uman megkag̵i te, “Sunud ka kediey.”

Juan 21:22

Ne midtavak si Jesus te, “Emun iyan ku egkesuatan he kemulu pa sikandin uuyag keuzemà dutun te kedlikù ku zini te kelibutan, wazè nu kelavet. Sunud ke zà kediey.”

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Kulusas 1:24

Maambe ke ebpekeantus a g̵untaan te merasey su iyan igkezeyzey niw. Igkelipey ku heini su iring te kegkerasey ni Kristu edhimesazan ku en is langun he mereg̵en he ibpaantus din kediey su wey mezeyzey is lawa ni Kristu, he ke và dà egkeg̵iya, is menge tumutuu kandin.

1 Tiselunika 3:3

su wey kenà meliveg is minsan hentei keniyu tenged te kebpesipelahi keniyu te menge etew. Netuenan niw en he sikitew is tumutuu, imbanglis kenitew te Megbevayà is kemeresayan.

2 Timoteo 3:12

Ne is langun he tumutuu ki Jesu Kristu he egkesuatan dan he pinaag̵i kandin metuman dan is egkesuatan te Megbevayà, edresayen sikandan te menge kuntada te Megbevayà.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.