Mateo 16:20 - Manobo Western Bukidnon

²⁰ Ne zutun mibpeketelteleenan ni Jesus is menge sumusundan din he kenè dan tudtula ziyà te minsan hentei he iyan sikandin sikan is mibpilì te Megbevayà he ibpahadì.

Mateo 16:20 Кръстосани препратки

Mateo 1:16

Ne si Hakub, iyan amey ni Jose he iyan esawa ni Maria. Ne si Maria, iyan iney ni Jesus he migeraran he Misiyas, he ke và dà egkeg̵iya, kes mibpilì te Megbevayà he ibpahadì.

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Mateo 17:9

Ne zutun te edtupang dan, mibeleuzan sikandan ni Jesus te, “Heini is neehè niw, kenè niw tudtula ziyà te minsan hentei taman te kenè e pa is Kakey te Menusiyà egkevanhew.”

Mateo 8:4

Ne migkeg̵iyan ni Jesus te, “Pemineg ka, Mama, kenè nu tudtula ziyà te minsan hentei, kekenà, pehendiyè ka g̵untaan te memumuhat he midhimu te Megbevayà wey zin maahà he neulian ka; ne tumana nu sikan is pemuhat he insug̵ù dengan ni Moises te it-iten, su wey metueni te langun he neulian ka iyan.”

Marcos 8:30

Ne zutun migkeg̵iyan sikandan ni Jesus he kenè dan tudtula haazà diyà te minsan hentei.

Marcos 9:9

Ne zutun te kedtupang dan, mibeleuzan sikandan ni Jesus te, “Taman te kenè e pa ebenhawen is Kakey te Menusiyà, kenè niw penudtula sikan is neulaula he neehè niw g̵eina.”

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Lucas 9:21

Ne zutun mibpeketelteleenan sikandan ni Jesus he kenè dan tudtula haazà diyà te minsan hentei.

Lucas 9:36

Ne hein mid-engked haazà is egkag̵i ne iyan dà maan dutun si Jesus neehè dan. Ne puun dutun he timpu wazè pa minsan sevaha he etew he midtudtulan dan te neehè dan.

Juan 1:41

Ne si Andres, segugunè din mibpen-ahà is suled din he si Simon. “Neehè dey sikan is Misiyas,” ke sikandin. (Ne iyan kehulug̵an kayi te ngazan he Misiyas is Kristu, he ke và dà egkeg̵iya, mibpilì te Megbevayà he ibpahadì.)

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 11:27

Ne midtavak si Marta te, “Uya, edtuu a he iyan ka sikan is Anak te Megbevayà; iyan ka kes netagnà he hadì he ebperetengen dey he edhendini te kelibutan.”

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

1 Juan 2:22

Hentei man is teruen? Iyan sikan is egkag̵i he kenà iyan si Jesus mibpilì te Megbevayà he ibpahadì. Is egkag̵i kayi, ne iyan kuntada ni Kristu su egkeg̵iyen din he kenà tutuu he ed-ezapen is Amey tew he Megbevayà ne egkeg̵iyen din daan he kenà si Kristu Anak te tutuu he Megbevayà.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.