Mateo 16:14 - Manobo Western Bukidnon

¹⁴ Ne midtavak dan te, “Is duma, ne iyan ke kun si Juan Megbebewtismu he nevanhew. Ne is duma, ke sikandan te, iyan ka si Elias. Ne egkag̵i is duma pa te si Jeremias ka, ne emun kenà, ne sevaha ka zuen te ebpemeneuven dengan te Megbevayà.”

Mateo 16:14 Кръстосани препратки

Mateo 14:2

Ne migkag̵i si Hirudis diyà te menge sulug̵uen din te, “Heini si Jesus, siguradu he iyan ded si Juan Megbebewtismu he nevanhew, ne tenged kayi zuen din gehem wey zin meveeli is menge iring kayi he singyal,” ke sikandin.

Mateo 16:15

Ne ke si Jesus te, “Ne sikiyu zaan, hentei e man sumalà te ked-isipa niw kediey?”

Mateo 17:10

Ne zutun mid-insaan si Jesus te menge sumusundan din te, “Maan is egkeg̵iyen te menge menunudlù te kesug̵uan he kinahanglan he edhuna edlepew si Elias, sikan is ebpeneuven dengan, ne human sikan is edhadì he mibpilì te Megbevayà?”

Mateo 3:1

Mibpenlavey is menge tuig dutun ne zuen etew he egngezanan ki Juan Megbebewtismu. Diyà sikandin te tanà he wazà duen ed-ubpà he etew seled te prubinsya he Hudiya. Ne impesavut din te menge etew is Lalag te Megbevayà.

Marcos 6:15

Ne migkag̵i is duma te, “Iyan si Jesus sikan is ebpeneuven dengan he si Elias.” Ne migkag̵i is duma pa te, “Ebpeneuven iyan si Jesus he iring te menge tipehuna he ebpeneuven dengan te Megbevayà,” edhenduen dan.

Marcos 8:28

Ne midtavak dan te, “Duen egkag̵i he iyan ka si Juan Megbebewtismu he nevanhew ne zuen daan egkag̵i he iyan ka sikan is tipehuna he si Elias, ne egkag̵i is duma pa he sevaha ka zuen te menge tipehuna zengan he ebpeneuven te Megbevayà.”

Lucas 9:8

Ne zuen daan egkag̵i he mibpeetew mebpeuman si Elias, kes ebpeneuven dengan te Megbevayà, ne iyan en si Jesus. Ne zuen daan egkag̵i he nevanhew is sevaha zuen te menge ebpeneuven dengan ne iyan si Jesus.

Juan 1:21

Ne ke sikandan te, “Iyan ke ve kes ebpeneuven dengan he si Elias?” Ne ke si Juan te, “Kenà a zaan.” Ne ke sikandan te, “Kela ke iyan ka sikan is netagnà he mibpenaub te Megbevayà?” Ne ke si Juan te, “Kenà a zaan.”

Juan 7:12

Ne egkesumpakì is mezakel he menge etew he nengetig̵um diyà te inged he Hiruselim. Egkag̵i is duma kandan te, “Meupiya sikandin he etew.” Ne edtavak daan is duma te, “Kenà, su tarù is ibpenurù din te menge etew.”

Juan 9:17

Ne tenged dutun mid-insaan dan en maan haazà is neulian he lakap, ke sikandan te, “Sikew, hengkey is kenikew he isip mehitenged kandin su kenikew he menge mata is mibewian din?” Ne midtavak haazà is etew te, “Ebpeneuven sikandin te Megbevayà.”