Mateo 15:5 - Manobo Western Bukidnon

⁵ Ne iyan keniyu he penurù is: ke zuen etew he zuen din igketavang te iney zin wey amey zin, idtug̵ut niw he egkag̵i sikandin diyà te kandan te, ‘Heini is idtavang ku pezem keniyu, kenè ku igkeveg̵ey su imbuwis ku en heini te Megbevayà.’

Mateo 15:5 Кръстосани препратки

Mateo 15:4

Su migkag̵i is Megbevayà te, ‘Tehuza niw is amey niw wey iney niw.’ Ne migkag̵i zaan te, ‘Ke zuen edsulà te amey zin wey iney zin, ne kinahanglan he edhimetayan.’

Mateo 15:6

Ne zutun,” ke si Jesus, “sumalà is penurù niw, wazè en kinahanglan he ebeg̵ayan din pa te tavang is ginikanan din. Iyan heini paag̵i niw wey niw kenà metuman is Lalag te Megbevayà wey niw iyan metuman haazà is keniyu he penurù.

Nengeulaula 4:19

Ne midtavak si Pedro wey si Juan te, “Isipa niw ke hendei zapit is egkesuatan te Megbevayà kayi te zezuwa he paag̵i: ke edtumanen dey ve is sug̵ù niw he kenè dey ibpenurù is ngazan ni Jesus, wey ke edtumanen dey is ebpeveelan kenami te Megbevayà.

Nengeulaula 5:29

Ne zutun midtavak si Pedro wey is duma he menge epustul te, “Kinahanglan he edtumanen dey is sug̵ù te Megbevayà kenà is menge sug̵ù he mibeelan te etew.