Mateo 15:32 - Manobo Western Bukidnon

³² Ne mid-umew ni Jesus is menge sumusundan din, ke sikandin te, “Kehizu kayi he menge etew su tetelu en he kezukileman is wazè dan medsuwey kediey, ne wazè dan en egkekaan. Kenà meupiya he ebpekeulì sikandan te wazè dan mekekaan su kela ke luyahi sikandan diyà te zalan.”

Mateo 15:32 Кръстосани препратки

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Mateo 14:13

Ne hein netuenan eni Jesus is nehitavù ki Juan, mid-untud dan te avang ne mid-awè dan dutun te iyan dan dà su edhendiyè dan te wazà duen etew. Iyan, hein netuenan te mezakel he menge etew, ne mid-awè dan diyà te menge inged dan is ebpemeyvey he edtelukun ki Jesus.

Mateo 15:33

Ne migkag̵i haazà is menge sumusundan din te, “Meziyù heini te menge valey. Ne wazà kayi egkekuwaan ta te ibpekaan keniyan te utew mezakel he menge etew.”

Mateo 20:34

Ne nehizuwan sikandan ni Jesus ne midampè din is menge mata zan. Ne zutundutun nepuwasan is ked-ehè dan, ne miduma zan ki Jesus.

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Mateo 9:36

Ne kada zin egkeahà is mezakel he menge etew zutun, egkengehizuwan din sikandan su mezakel is menge seeng dan ne wazà ebpeketavang kandan. Iring sikandan te menge ayam he kerehidu he wazà ed-elima kandan.

Marcos 9:22

Su is mezaat he mulin-ulin, layun din edhimuwa he mekeagbur ziyà te hapuy wey ziyà te wahig su edhimetayan din. Ne emun duen egkehimu nu, ne ikehizu key kenikew ne iawè nu ziyà te kandin heeyan is egezamen din.”

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Nengeulaula 27:33

Ne hein meg̵aan en egkepawà, midhengyuan ni Pablo sikandan is langun he megkaan dan. Ke sikandin te, “Sepulù en wey heepat he andew is kebpekeantus tew te kegkehandek ne wazà meselezi is getek tew te minsan hengkey.

Hibriyuhanen 4:15

Ne heini si Jesus is lavew he memumuhat tew, nesavut din is keg̵uyè tew tenged te kememenusiyai tew su neseg̵azan din he mibpenulayan sikandin dengan ni Setanas te minsan hengkey he paag̵i iring te ebpenulayan kiw zaan, iyan, wazà mulà sikandin mepenulayi.