Mateo 15:29 - Manobo Western Bukidnon

²⁹ Ne mid-awà si Jesus dutun ne mibpemeyvey te ranew he Geliliya. Midtekezeg sikandin diyà te vuvungan dutun ne mibpinuu.

Mateo 15:29 Кръстосани препратки

Mateo 13:2

Ne zuen mezakel he menge etew he midtig̵um diyà te kandin. Ne g̵eina te utew zan mezakel, mid-untud si Jesus te avang ne zutun mebpinuu. Ne is menge etew, diyè dan dà te veyvey is ebpememineg kandin.

Mateo 4:18

Sevaha he andew te edhipanew si Jesus diyà te veyvey te ranew he Geliliya, neehè din is dezuwa he maama, si Simon (kes mid-umanan din ngezani ki Pedro) wey is hazi ni Simon he si Andres. Ebpenlaya sikandan diyà te ranew su menlelaya sikandan.

Mateo 5:1

Ne naahà ni Jesus is mezakel he menge etew ne zutun midtekezeg sikandin te vuvungan ne zutun mebpinuu. Ne mid-uvey ziyà te kandin is menge sumusundan din,

Marcos 1:16

Ne sevaha he andew zutun, te edhipanew si Jesus diyà te veyvey te ranew he Geliliya, ne neehè din ensi Simon wey is hazi ni Simon he si Andres he ebpenlaya zutun te ranew su menge menlelaya sikandan.

Lucas 5:1

Sevaha he andew te ziyà si Jesus te veyvey te ranew he egngezanan te Giniserit, utew mezakel he menge etew is nengetipun su ebpememineg dan te Lalag te Megbevayà he ibpenurù din.

Juan 21:1

Netapus pa is nepipira he andew zutun, ne mid-uman mebpaahà si Jesus dutun te menge sumusundan din diyà te veyvey te ranew he Tibiryas. Ne iring kayi is hitavù te kebpeehè din kandan.

Juan 6:1

Ne neipus heini mid-awà si Jesus dutun ne midhendiyà te tanà he ziyà layun te ranew he Geliliya, he migngezanan daan te Tibiryu.

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.