Mateo 15:27 - Manobo Western Bukidnon

²⁷ Ne migkag̵i haazà is bahi te, “Benar iyan, Datù, iyan, minsan ke asu ne ebpekekaan gihapun te menge mumu he egkengeulug puun te lemisahan te teg̵iasu kandin.”

Mateo 15:27 Кръстосани препратки

Mateo 15:26

Ne midtavak si Jesus te, “Kenà meupiya ke egkuwaan ta is egkeenen te menge vatà ne idsamak te menge asu.”

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Mateo 5:45

Ne emun ebeelan niw heini ebpekeiring kew te Amey tew he Megbevayà he ziyà te langit. Su is Megbevayà, kenà iyan dà ebpesilaan din te andew is menge metazeng he menge etew, kekenà, elin daan is menge kenà metazeng. Ne kenà iyan dà is meupiya is ulaula zin ebeg̵ayan din te uzan, kekenà, elin daan is mezaat is ulaula zin.

Mateo 8:8

Ne midtavak haazà is kepitan te, “Kenà, Datù, su,” ke sikandin, “tenged te lavew ka kedì, kenà a zait he ebig̵atbig̵at pa maan kenikew he edhendiyà te valey ku. Utew ka mekeg̵eg̵ehem ne minsan ke egkag̵i ke zà te, ‘Meulii sikandin,’ ne egkeulian en is sulug̵uen ku.

Marcos 7:28

Ne migkag̵i haazà is bahi te, “Benar, Datù, heeyan, iyan, is asu, egkehimu zaan he ebpenelisimen din is egkengeulug he mumu puun dutun te egkeenen te vatà.”

Lucas 16:21

su ebperateng he ebeg̵ayan sikandin te minsan menge mumu zà he egkengeulug dutun te lemisahan te sepian wey mahantey is getek din dutun. Ne is menge asu zutun, ne ebpemendilaan dan haazà is menge vekukang ni Lazaro.

Lucas 18:13

Iyan, haazà is sevaha he etew he menunukut te vuhis, ne mibpekeziyù sikandin is ebpekezuzungul ne egkepenempaling din is kumeng din su utew neseeng. Ne mid-ampù sikandin diyà te Megbevayà he egkag̵i te, ‘Megbevayà, ikehizu a utew kenikew is sevaha he etew he mekesesalà!’ ”

Ruma 10:12

Su is Nengazen, wazè din ibpelavi te minsan hentei he etew, minsan ke Hudiyu wey ke kenà be Hudiyu, ne umba wazè din ibpelavi kayi su Nengazen sikandin te minsan hentei ne edtevangan din is minsan hentei he etew he ebpetavang kandin.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Ruma 3:29

Ne siguradu zuen egkag̵i he is Megbevayà, ne Megbevayà te menge Hudiyu zà, iyan, kenà heeyan tutuu, su iyan sikandin Megbevayà te tivuuk he menusiyà, Hudiyu se kenà Hudiyu.

Ruma 3:4

Su minsan ke teruen is tivuuk he menusiyà, tutuu mulà is minsan hengkey he egkeg̵iyen te Megbevayà. Su zuen insurat dengan he lalag ni Hadì David te kedtistig̵usi zin te ketazeng te Megbevayà he edhenduen te, “Kenà egkehimu he kenà hustu is kenikew he ketezengan, su ke idsumbung ka, layun ebpekezaag is kenikew he ketezengan,” ke si David.

Ipisu 3:19

Berakat he mesavut niw is gag̵ew zin keniyu, minsan pa te kenà heini egkepurung egkesavut te minsan hentei. Egkesuatan ku heini su wey metuman diyan te keniyu is wazè din kurang he kegkeulini keniyu te Megbevayà.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.