Mateo 15:22 - Manobo Western Bukidnon

²² Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 15:22 Кръстосани препратки

Mateo 1:1

Iyan heini kes gug̵ud te kepuun ni Jesu Kristu. Kevuwazan si Jesu Kristu ni Hadì David dengan. Ne si David, kevuwazan ni Abraham.

Mateo 15:23

Iyan, kenà edseg̵ipaan ni Jesus. Ne zutun, mid-uvayan si Jesus te menge sumusundan din; ne midhangyù dan he ke sikandan te, “Ipeulì nu heeyan is bahi su kenà edsuwey kenitew he ebpekeuringer.”

Mateo 17:15

Ke sikandin te, “Datù, kehizuwi nu is anak ku. Ebevuyen sikandin ne utew merasey is egkeulaula zin su layun egkeulug diyà te hapuy wey ziyà te wahig.

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Lucas 17:13

Ne mid-umew zan ki Jesus te, “He Zatù Jesus, ikehizu key kenikew!”

Lucas 18:13

Iyan, haazà is sevaha he etew he menunukut te vuhis, ne mibpekeziyù sikandin is ebpekezuzungul ne egkepenempaling din is kumeng din su utew neseeng. Ne mid-ampù sikandin diyà te Megbevayà he egkag̵i te, ‘Megbevayà, ikehizu a utew kenikew is sevaha he etew he mekesesalà!’ ”

Lucas 6:18

Ne mibewian din is langun he menge etew he ebpenlelungen te menge mezaat he mulin-ulin zutun ne nengeulian sikandan.