Mateo 15:18 - Manobo Western Bukidnon

¹⁸ Iyan, is menge mezaat he lalag he ziyà egawas te vèbà te etew, diyà ebpuun te g̵ehinawa zin, ne iyan heini utew igkeepesi kandin te Megbevayà.

Mateo 15:18 Кръстосани препратки

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 15:11

Is igkeepesi te Megbevayà te etew, ne kenà iyan sikan is egkeenen he id-ahuk dutun te etew ziyà te vèbè din, kekenà, iyan sikan is menge mezaat he lalag he egawas he ebpuun te vèbè dutun te etew.”

Mateo 15:17

Kenè niw ves egkeisip he is id-ahuk ta ziyà te vèbè ta, ne ebpehendiyà te g̵etek ta ne zutun egawas puun te lawa ta? Ne kenà iyan haazà igkeepes te Megbevayà.

Marcos 7:20

Ne migkag̵i si Jesus med-uman te, “Is egkehimu he igkeepesi te Megbevayà te etew ne iyan is egawas he ebpuun diyà te g̵ehinawa zin. Su ziyà te g̵ehinawa zin ebpuun is memezaat he isip, is kedhilavet te kenè din esawa, kebpenakew, kebpemumunù, kegkesina, kebpesipala, kebpenlimbung, is memahawag he ulaula, kegkeima, kedèdeeti te zengeg te menge zuma zin, kebpelavew zin wey is kedlalunglalung.

Lucas 19:22

Ne midtavak haazà is hadì te, ‘Lalung ke ves he sulug̵uen! Heeyan dà te menge lalag nu ne mibpesavut he nekesalè ke en kediey. Su netuenan nu ves he is egkekag̵i ku, ne idteg̵el ku, ne is ibpiyal ku, ne ebperetengen ku is uswag din, ne is ibpepemula ku ne ebperetengen ku is abut din. Ne utew venar heeyan.