Mateo 15:17 - Manobo Western Bukidnon

¹⁷ Kenè niw ves egkeisip he is id-ahuk ta ziyà te vèbè ta, ne ebpehendiyà te g̵etek ta ne zutun egawas puun te lawa ta? Ne kenà iyan haazà igkeepes te Megbevayà.

Mateo 15:17 Кръстосани препратки

Mateo 15:16

Ne migkag̵i si Jesus te, “Kenè niw pe ves egkesavut?

Mateo 15:18

Iyan, is menge mezaat he lalag he ziyà egawas te vèbà te etew, diyà ebpuun te g̵ehinawa zin, ne iyan heini utew igkeepesi kandin te Megbevayà.

Marcos 7:19

su is egkeenen din, ne ziyè dà ebpekevayà te g̵etek din ne zutun ed-awà diyà te kandin; kenà diyà ebpekevayà te g̵ehinawa zin.” (Ne pinaag̵i kayi te menge lalag ni Jesus, egketuenan ta he is minsan hengkey he egkekaan, idtug̵ut kenitew he egkeenen tew.)

Lucas 6:45

Ne iring din ded daan te etew,” ke si Jesus, “su emun meupiya is ulaula zin he etew, memeupiya zaan is nemeketag̵ù diyà te g̵ehinawa zin; meupiya zaan is kebpemèbè din. Iyan, ke mezaat is ulaula zin he etew, memezaat daan is nemeketag̵ù diyà te g̵ehinawa zin, ne mezaat daan is kebpemèbè din. Su is egketag̵ù te g̵ehinawa te etew, iyan daan egkekag̵i zin.”

1 Kurintu 6:13

Ne ke zuen daan egkag̵i he umba mibeelan te Megbevayà is getek ta su wey mahantey te egkeenen, ne utew zaan benar heeyan, iyan, duen timpu keuzemà he wazè en pulus te g̵etek ta ne wazà daan dutun pulus te egkeenen su id-awà keuzemà te Megbevayà is kegemita kayi. Ne iring din ded daan is lawa ta, su kenà egkehimu he egemiten ta is lawa ta wey mahantey is suat ta zuen te etew he kenè ta esawa. Su wazà limbag̵a te Nengazen is lawa tew su wey tew meulaula is meremerik, kekenà, iyan inlimbag̵a zin su wey pinaag̵i kayi mezalig sikandin. Ne iring din ded daan pinaag̵i te Nengazen tew he si Jesus edtulusen keuzemà is lawa tew.

Santiago 3:6

Ne iring daan te hapuy is dilà te etew su ebpekezezaat ne iyan puunà te minsan hengkey he mezaat he ulaula. Pinaag̵i te zilà egkeeneb te mezaat is tivuuk he isip ta wey g̵ehinawa ta. Iyan ebpekerasey kenita te tivuuk he untung ta; iring te hapuy he ziyà ebpuun te Impirnu.