Mateo 15:11 - Manobo Western Bukidnon

¹¹ Is igkeepesi te Megbevayà te etew, ne kenà iyan sikan is egkeenen he id-ahuk dutun te etew ziyà te vèbè din, kekenà, iyan sikan is menge mezaat he lalag he egawas he ebpuun te vèbè dutun te etew.”

Mateo 15:11 Кръстосани препратки

Mateo 15:10

Ne zutun mid-umew ni Jesus is mezakel he menge etew zutun he med-uvey zan diyà te kandin. “Pemineg kew,” ke sikandin, “wey niw mesavut.

Mateo 15:12

Ne mid-uvayan si Jesus te menge sumusundan din ne ke sikandan te, “Netuenan nu ve he nepeukan ka te menge Perisiyu tenged te menge lalag nu g̵eina?”

Marcos 7:15

is egkehimu he igkeepesi te Megbevayà te etew, kenà iyan is keuyag̵an he ebpekeseled diyà te vèbè din, minsan ke wazà sikandin mebpenlùlù, kekenà, iyan is menge lalag he egawas puun diyà te vèbè din.

Ruma 14:14

Tenged te kebpekidsevaha ku te Nengazen tew he si Jesus, impesavut kedì he wazà minsan hengkey he egkeenen he idawey te Megbevayà. Iyan, ke zuen etew he edtuuwan din he indawey te Megbevayà is sevaha he egkeenen ne kenà meupiya ke egkeenen din.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 14:20

Ne kenè niw zèdeeti is ed-ul-ulahan te Megbevayà pinaag̵i te kegkaan niw te egkeenen he kunaan te zuma ke indawey kenita. Egkehimu ke egkaan ki te minsan hengkey he egkeenen, iyan, emun iyan ibpekesalà te zuma is kegkaan ta ne kenà haazà meupiya.

1 Timoteo 4:3

Ibpenurù dan he indawey te Megbevayà is kebpengesawa ne egkeg̵iyen dan he zuen menge egkeenen he indawey zaan. Iyan, heini is menge egkeenen, midlimbag te Megbevayà he egkeenen tew te menge tumutuu he nekesavut te tutuu he tuluuwen. Ne kinahanglan he ebpeselematan tew te Megbevayà emun egkeenen tew.

Tito 1:15

Ke zuen etew he nelumpiyuwan te Megbevayà, wazà minsan hengkey he ibmeremerik din. Iyan, ke zuen etew he wazà melumpiyuwi te Megbevayà, wazà minsan hengkey pa he paag̵i he igkelumpiyu kandin su kenè sikandin edtuu ne nelalung utew is isip din wey g̵ehinawa zin.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.

2 Pedro 2:18

Uvag mezalem is menge lalag dan, iyan, wazà pulus te egkeg̵iyen dan. Duen menge etew he ed-engkezan dan pezem is menge zaan he zuma zan he ed-ulaula te sayep, iyan, ebpenulayen sikandan dutun te menge menunudlù pinaag̵i te meremerik he kebayà te lawa zan.