Mateo 15:1 - Manobo Western Bukidnon

¹ Ne zutun, duen menge Perisiyu wey menge menunudlù te kesug̵uan he menge tigHiruselim he midhendiyà te ki Jesus. Mid-insè dan ki Jesus te,

Mateo 15:1 Кръстосани препратки

Mateo 23:2

“Is menge menunudlù te kesug̵uan wey menge Perisiyu, insarig kandan is kebpenurù te kesug̵uan he imbilinbilin ni Moises.

Mateo 5:20

Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Marcos 3:22

Ne zuen dutun menge menunudlù te kesug̵uan he ebpuun diyà te inged he Hiruselim ne ke sikandan te, “Heini he etew, mid-ulinan sikandin ni Endedaman, sikan is egalen te menge mezaat he mulin-ulin, ne tenged kayi igkepeg̵uwè din puun te menge etew is menge mezaat he mulin-ulin.”

Lucas 5:17

Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Nengeulaula 23:9

Umba, mid-iseg dan mebmeg̵urub dutun is ebpevenbensag̵ey. Ne zutun midhitindeg is menge Perisiyu he menge menunudlù te kesug̵uan ne ke sikandan te, “Wazà mezaat he netuenan dey he mibeelan kayi te etew. Kela ke tutuu iyan he zuen mulin-ulin wey ke velinsug̵uen be te Megbevayà he mibpekidlalag kandin.”

Nengeulaula 25:7

Ne hein nekeuma si Pablo midlingutan sikandin te menge Hudiyu he ebpemuun diyà te Hiruselim ne utew mezaat he ulaula is insumbunga zan kandin, iyan, wazè dan igkepaahà he tutuu is sumbung dan mehitenged kandin.