Mateo 14:31 - Manobo Western Bukidnon

³¹ Ne segugunà migewezi sikandin ni Jesus te egkag̵i te, “Maan is kenè ka ebpekesarig kediey? Maan is eduwazuwa ka?”

Mateo 14:31 Кръстосани препратки

Mateo 14:30

Ne hein neg̵ezam din he utew mevendes is keramag dutun, ne netik-ew sikandin mahandek ne idteledted en sikandin. Ne segugunà sikandin nekekulahì te, “Tevangi a!”

Mateo 14:32

Ne mid-untud dan dutun te avang, ne mid-engked haazà is keramag.

Mateo 16:8

Ne nesavut ni Jesus is egkeg̵iyen dan ne ke sikandin te, “Maan is egkesamuk kew te wazè kew mekeuwit te supas? Utew meluya is kedtuu niw!

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 6:30

Is sagbet, wazè din bali; egkeehè ta g̵untaan, ne kenè en utew egkeug̵et ne egkeg̵angu ne ebinsulan. Iyan, ke edhimuwen te Megbevayà he mekempet minsan heini is menge sagbet, iyan kew pe be kenè din daan meveg̵ayi te igkevisti. Maan is utew zeisek is kedsarig niw kandin.

Mateo 8:26

Ne migkag̵i si Jesus, “Maan is egkehandek kew? Maan is kenè kew ebpekesarig kediey?” Ne mid-enew si Jesus ne migkeg̵iyan din haazà is keramag wey haazà is menge vag̵el he med-engked dan. Ne zutun mibmelinew utew.

Marcos 1:31

Ne mibeyaan sikandin ni Jesus ne migewezan din diyà te velad ne impeenew zin. Ne zutundutun ne naawà is dateng din ne midsuba sikandin te ibpekaan din engki Jesus.

Marcos 1:41

Ne nehizuwan sikandin ni Jesus ne midampè din te egkag̵i te, “Utew meupiya te g̵ehinawa ku; meulii ka.”

Marcos 11:23

Benar is egkeg̵iyen ku keniyu he minsan hentei he egkeg̵iyan din heeyan is buvungan te, ‘Awè ka keniyan ne umpak ka ziyà te zag̵at,’ ne kenà sikandin eduwazuwa, kekenà, neheg̵et diyà te g̵ehinawa zin he egketuman is migkag̵i zin, ne haazà is migkag̵i zin ne egketuman.

Marcos 16:7

Ne te kegkeipus te ked-ahaa zan dutun, ke sikandin te, “Hendiyan kew en te menge sumusundan din ne keg̵iyi niw sikandan wey si Pedro he si Jesus, edhuna sikandin diyà te Geliliya ne ziyè niw sikandin egkeahà, sumalà is migkag̵i zin keniyu.”

Marcos 4:40

Ne migkeg̵iyan din is menge sumusundan din te, “Maan is egkengehandek kew? Wazè niw pe be kedsarig kedi?”

Marcos 5:41

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Lucas 24:34

Ne iyan ingketig̵um dan su ebpetudtudtulè dan he egkag̵i te, “Benar ves iyan he nevanhew is Nengazen su mibpaahà ki Pedro.”

Nengeulaula 4:30

Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.”

1 Timoteo 2:8

Ne tenged kayi, is menge maama ziyà te langun he menge inged he meheg̵et is ked-engkezi zan te mezaat he ulaula, egkesuatan ku he med-ampù dan diyà te Megbevayà. Kinahanglan he wazà pauk dan te menge zuma zan wey wazè dan keduwazuwa.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.