Mateo 14:28 - Manobo Western Bukidnon

²⁸ Ne zutun migkag̵i si Pedro te, “He Zatù, ke tutuu he iyan ka heeyan, pengelinteuwi nu he mekehendiyan a ne mekehipanew a kayi te zivavew te wahig.”

Mateo 14:28 Кръстосани препратки

Mateo 14:27

Ne zutun migkag̵i si Jesus diyà te kandan, “Sarig kew,” ke sikandin, “kenè kew mahandek su iyan a.”

Mateo 14:29

Ne ke si Jesus te, “Hendini ka.” Ne midrenà si Pedro puun dutun te avang ne midhipanew zutun te zivavew te wahig pehendiyà te ki Jesus.

Mateo 19:27

Ne zutun migkag̵i si Pedro te, “Ahaa nu man, mid-ewaan dey is langun he menge azen dey wey key mekesunud kenikew. Ne hengkey is idsuhul kenami?”

Marcos 14:31

Ne wazà mevenari zutun si Pedro, ke sikandin te, “Minsan pa ke edhimetayan a zuma kenikew ne kenà a egkag̵i he wazè ku sikew mekilala.” Haazà he lalag, iyan daan pesarig dutun te menge zuma zin he menge sumusundan.

Juan 6:68

Ne midtavak si Simon, sikan is migeraran ki Pedro, ke sikandin te, “Wazà duma he egkesundanan dey su iyan ke zà ebpenurù te paag̵i te kebpekeangken te untung he wazà pidtemanan.

Ruma 12:3

Ne tenged te imbeg̵ey kedì te Megbevayà is keg̵ehem te kedsengyawa te lalag din, egkeg̵iyen ku keniyu te langun he kinahanglan he kenè niw isipa he lavew kew te menge zuma niw, kekenà, kinahanglan he hustu is ked-isipa niw te ketau niw sumalà is kedtuu he imbeg̵ey te Megbevayà diyà te kada sevaha keniyu.

Santiago 1:6

Ne emun ebuyù kew te ketau ziyà te kandin kinahanglan he edtuu kew he egkezawat niw te wazà duwazuwa. Su is etew he eduwazuwa, egkehalinhalin layun is isip din. Iring sikandin te vag̵el ziyà te zag̵at he minsan hendei zà duen hiyupa te keramag.