Mateo 14:19 - Manobo Western Bukidnon

¹⁹ Ne zutun migkeg̵iyan din is menge etew he mebpinuu zan diyà te tanà; ne migkuwa zin haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Mibpenevìtevì din is menge supas, ne imbeg̵ey zin diyà te menge sumusundan din. Ne minsan pa zutun wazà maamin haazà is supas. Ne midtukid te menge sumusundan din pemeg̵ayi zutun is menge etew.

Mateo 14:19 Кръстосани препратки

Mateo 14:18

Ne migkag̵i si Jesus te, “Uwita niw zini.”

Marcos 6:39

Ne zutun impepundukpunduk ni Jesus is menge etew he impemepinuu zin dutun te perekpek.

Marcos 6:41

Ne migkuwa zutun ni Jesus haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Ne mibpenevìtevì din is lelima he supas, ne minsan pa zutun kenà egkeamin haazà is edtevien din. Ne imbeg̵ey zin diyà te menge sumusundan din haazà is nengetevì wey zan ikepemeg̵ey zutun te menge etew. Ne iring ded daan haazà is kebpenebtevia zin dutun te zezuwa he pait.

Marcos 7:34

Ne midlingahà si Jesus diyà te langit ne migeg̵ehinawa te mezalem ne ke sikandin te, “Ipata!” he ke và dà egkeg̵iya, “Mepuwasi!”

Lucas 22:17

Ne zutun ne migkuwa ni Jesus is tasa he midteg̵uan te vinu ne mibpeselematan din te Megbevayà ne migkag̵i sikandin diyà te menge sumusundan din te, “Med-inum is kada sevaha keniyu.

Lucas 22:19

Ne zutun mid-amì si Jesus dutun te egkeenen dan he supas ne mibpeselematan din daan haazà te Megbevayà. Ne mibpenevìtevì din ne impenduwal zin kandan, ke sikandin te, “Iyan heini lawa ku he ibelukas keniyu. Emun egkeenen niw heini isipa a keniyu.”

Lucas 24:30

Ne hein diyè dan en te valey ne mibpinuu zan is egkaan. Ne si Jesus, migkuwa zin is egkeenen dan he supas. Ne mibpeselematan din te Megbevayà ne mibpenevì din ne human din ipemeg̵ey kandan.

Lucas 9:14

Menge lelima he libu he menge maama is nengetig̵um dutun ne zuen daan menge vahi wey vatà. Ne migkag̵i si Jesus diyà te menge sumusundan din te, “Ipemepinuu niw sikandan he mebpundukpunduk he tigkelimahan is sengepunduk.”

Lucas 9:16

Ne migkuwa zutun ni Jesus haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Ne mibpenevìtevì din. Ne minsan pa zutun kenà egkeamin haazà is edtevien din. Ne imbeg̵ey zin diyà te menge sumusundan din haazà is nengetevì wey zan ikepemeg̵ey zutun te menge etew.

Juan 11:41

Ne in-awè dan dutun haazà is batu he inlekeb te surung. Ne midlingahà si Jesus diyà te langit ne migkag̵i te, “Amey ku, ebpeselamat a kenikew su ebpemineg̵en nu is ebuyuen ku.

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.

Nengeulaula 27:35

Ne te nekag̵i ni Pablo haazà, migkuwa te supas ne mibpeselematan din te Megbevayà ne mibpenevìtevì din ne migkaan din.

Ruma 14:6

Su is etew he egkeisip din he utew mahal is sevaha he andew, ne umba egkeisip din is iring dutun su wey mesuat is Megbevayà. Ne iring din ded daan is etew he egkaan te minsan hengkey, umba egkeenen din su egkeisip din he iyan haazà egkesuatan te Megbevayà ne egkepeselematan din haazà te Megbevayà. Ne is etew he menge lumbey zà is idsezè din, ne umba iyan dà haazà idsezè din su egkeisip din he iyan haazà egkesuatan te Megbevayà ne egkepeselematan din daan haazà te Megbevayà.

1 Kurintu 10:16

Sikitew is menge tumutuu, emun edtig̵um kiw su edtumanen tew is kedtenuzi te kebpatey ni Kristu, duen ed-inumen tew he ebpeselematan tew te Megbevayà. Tuus heini he mibpelisan kiw en te lengesa ni Kristu. Ne is supas he ebpenebtevien tew ne egkeenen tew, kebpekeambit tew heini te lawa ni Kristu.

1 Kurintu 10:31

Ne iyan tavak ku zutun is: minsan hengkey he ed-ul-ulahan niw, te kegkaan niw wey te ked-inum niw, ne kinahanglan he iyan id-ul-ulaha niw zutun su wey mezalig is Megbevayà tenged te ulaula niw.

1 Kurintu 11:24

ne mibpeselematan din te Megbevayà, ne mibpenevìtevì din ne ke sikandin te, “Iyan heini lawa ku he ibpemuhat wey kew melibri te silut. Layun niw heini keena te iring kayi he paag̵i su wey a keniyu kenà melipati.”

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.