Mateo 14:10 - Manobo Western Bukidnon

¹⁰ Ne mibpepungelan din si Juan te ulu ziyà te pirisuwan.

Mateo 14:10 Кръстосани препратки

Mateo 14:11

Ne in-ahuk dan is ulu ni Juan te pelatu ne imbeg̵ey zan duen te rag̵a. Ne haazà is ulu, imbeg̵ey zutun te rag̵a ziyà te iney zin.

Mateo 14:9

Ne zutun utew neseeng haazà is hadì, iyan, tenged dutun te pesarig din he nezineg te langun he menge bisita zin, midtuman din haazà is mibuyù dutun te rag̵a.

Mateo 17:12

Iyan, egkeg̵iyen ku keniyu he nekeume en iyan si Elias, iyan, wazà sikandin mekilala te menge punuan. Midrasey zan sikandin sumalà is egkesuatan dan he ed-ul-ulahan dan kandin. Ne iring ded dutun te kedresaya zan kandin is ed-ul-ulahan dan dini te kedì te Kakey te Menusiyà.”

Marcos 9:13

Netuman en sikan is kedlepew ni Elias, ne midrasey zan en sikandin sumalà is egkesuatan dan he ed-ul-ulahan diyà te kandin su iyan heini tagnà he egkevasa ta ziyà te insurat he Lalag te Megbevayà.”

Lucas 9:9

Neisip ni Hirudis is: “Si Juan, ne mibpepungelan ku en te ulu, iyan, hentei etawa heini is egkeg̵iyen dan?” Ne mibpen-ahà sikandin te paag̵i wey zin maahà si Jesus.

Impezayag 11:7

Ne heini is dezuwa he menwewali, emun egketapus dan is kebpenudtula zan te Lalag te Megbevayà, edtebeken sikandan te langgam he ziyà ebpuun te vitu he wazà pidtemanan is kezalem din. Ne egkezaag sikandan dutun te langgam, ne edhimetayan din sikandan.