Mateo 13:7 - Manobo Western Bukidnon

⁷ Ne zuen daan benì he nengeulug diyà te tanà he menge zug̵iyen is menge sagbet dutun. Ne mibmemelayat heini is sagbet ne mibpengulembezan dan haazà is pinemula.

Mateo 13:7 Кръстосани препратки

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Mateo 13:6

Asal hein mid-andew, neg̵angu petuluy haazà is menge pinemula su mevavew zà is nesenevan te zalid dan.

Mateo 13:8

Ne zuen daan benì he ziyà mengeulug te meupiya he tanà ne nemeg̵as mulà heini. Duen dutun menge pinemula he mibeg̵as te tigketluan. Ne zuen daan dutun menge pinemula he mibeg̵as te tigkeneman. Ne zuen daan dutun pinemula he mibeg̵as te tignenggatus.”

Marcos 4:7

Ne zuen daan dutun benì he nengeulug diyà te tanà he menge zug̵iyen is menge sagbet dutun. Ne mibmemelayat haazà is sagbet ne mibpengulembezan haazà is menge pinemula ne wazà mekepemeg̵as.

Lucas 8:7

Ne zuen daan dutun benì din he nengeulug diyà te tanà he menge zug̵iyen is menge sagbet dutun. Ne hein mibmelayat haazà is menge pinemula, mibmelayat daan haazà is menge sagbet ne mibpengulembezan dan haazà is pinemula.