Mateo 13:52 - Manobo Western Bukidnon

⁵² Ne mid-uman megkag̵i si Jesus te, “Ne tenged kayi,” ke sikandin, “ke zuen menunudlù te kesug̵uan he nekesundan te hadì tew he Megbevayà, ebpekeiring sikandin te etew he zekelà is ketig̵eyunan din diyà te valey zin. Su kenà iyan dà igkepenurù din is kinezaan, kekenà, igkepenurù din daan is beg̵u.”

Mateo 13:52 Кръстосани препратки

Mateo 12:35

Is etew he meupiya is ulaula zin, ne meupiya zaan is kebpemèbè din. Is etew he mezaat is ulaula zin, ne mezaat daan is kebpemèbè din.

Mateo 13:51

Ne mid-insaan ni Jesus is menge sumusundan din te, “Egkesavut niw ve heini is egkeg̵iyen ku?” “Uya, Datù, egkesavut dey,” ke sikandan.

Mateo 13:53

Ne hein nepasad ni Jesus haazà is kebpenurua zin kandan kayi te menge sempità, mid-awà sikandin dutun ne

Mateo 23:34

Su egkeg̵iyen ku keniyu he ibpehendiyan ku pa te keniyu is ebpemeneuven te Megbevayà, wey menge etew he mibeg̵ayan te Megbevayà te ketau, wey menge menunudlù. Ne edhimetayan niw is duma kandan. Ne is duma, idransang niw ziyà te krus ne ebpemug̵elen niw is duma ziyà te seled te menge simbahan niw ne ed-elawen niw sikandan diyà te minsan hendei he inged he egkepeveyaan dan te ebpemelag̵uy.

Mateo 28:19

Umba, penhipanew kew en diyà te minsan hendei wey niw metukid te ebpesavut is langun he menge etew ziyà te langun he menge inged. Ne penurua niw he medsundan dan kedì. Pemewtismuwi niw sikandan wey metueni he nekidsevaha zan te Amey tew he Megbevayà, wey siak is Anak din, wey is Wag̵as he Mulin-ulin.

Lucas 11:49

Is Megbevayà he utew metau, migkag̵i sikandin dengan te, ‘Ibpehendiyan ku pa te kandan is ebpemeneuven wey is menge epustul. Ne edhimetayan dan is duma ne is duma ebpesipelahan dan.’ Umba migkag̵i heini te Megbevayà su netuenan din he sikiyu is menge Hudiyu, nesevaha is gehinawa niw te g̵ehinawa te menge kepuun niw.

Juan 13:34

Beg̵u en he sug̵ù is ibpetuman ku keniyu. Iyan is: kinahanglan he mahala ziyà te g̵ehinawa te uman sevaha keniyu is minsan hentei keniyu. Iring te mahal kew zini te g̵ehinawa ku, kinahanglan he mahal ziyà te g̵ehinawa te uman sevaha keniyu is minsan hentei keniyu.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

Ipisu 3:4

Ne emun ebesahan niw heini, egketuenan niw is nesavut ku mehitenged te in-eles dengan mehitenged ki Kristu.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

Kulusas 1:7

Impenurù keniyu heini ni Ipapras he minahal he zuma zey he sulug̵uen ni Kristu. Metinumanen sikandin te menge sug̵ù ni Kristu pinaag̵i te kedtavang din kenami.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

1 Timoteo 3:6

Ne kinahanglan daan he kenà sikandin beg̵u pa he tumutuu, su kela ke mehimu he mepelevawen ne egkesilutan te Megbevayà iring te midsilutan si Setanas.

Tito 1:9

Kinahanglan he zutun te kebpenurù din, kenè din suwayi is tutuu he tuluuwen he iyan impenurù ta. Su emun iyan ibpenurù din is tutuu he tuluuwen, egkeheg̵et is kedtuu te ebpememineg kandin ne igkepesavut din he utew nengesayep is edsumpalit te penurù din.