Mateo 13:46 - Manobo Western Bukidnon

⁴⁶ Ne ke egkeehè din is sevaha he perlas he utew pa mahal, ibelegyè din is langun he azen din ne ebpemesahan din haazà.

Mateo 13:46 Кръстосани препратки

Mateo 13:44

Is kedhadì te Megbevayà ne iring daan te vulawan he inggadung diyà te pemuleey. Duen etew he neketuredu zutun ne midtembunan din umani he utew sikandin nelipey ne mid-ulì ne imbelegyè din is langun he menge azen din ne midlikù dutun ne mibpemasa zin haazà is pemuleey.

Mateo 13:45

Is kedhadì te Megbevayà, ne iring daan te etew he ebpemasa te menge utew meupiya he mahal he ebelieg̵en he egngezanan te perlas.

Mateo 13:47

Ne is kedhadì te Megbevayà he ziyà te langit, ne iring te laya he intaan diyà te ranew wey mekeutel te minsan hengkey he kelasi te pait.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

Kulusas 2:3

Su iyan dà sikandin ebpekeveg̵ey te minsan hengkey he tutuu he ketau wey tutuu he kedsavut.

Impezayag 18:12

Wazè en ebpekepemasa te ibpemelegyè dan he vulawan, pelata, menge mahal he vatu wey pirlas, meupiya he manggad he meputì wey merig̵à wey manggad he sida, menge mehemut he kayu, menge vutang he mibeelan te mahal he kayu, wey vatu wey g̵alang wey putew, wey marpil, wey vatu he marmul,

Impezayag 21:21

Ne haazà is sepulù wey zezuwa he pultahan, ne sepulù wey zezuwa he pirlas su is kada pultahan, ne hinimu te sevaha he pirlas, ne is kersada zutun te inged, ne vulawan he utew wag̵as su iring te ispihu he edlahus is mata ta.