Mateo 13:40 - Manobo Western Bukidnon

⁴⁰ Ne haazà is ebezuten dan he menge mezaat he pinemula he ebinsulan dan, iyan haazà egkehitavù keuzemà te ketepusan he timpu,

Mateo 13:40 Кръстосани препратки

Mateo 12:32

Sikan is edsumpalit kedì te Kakey te Menusiyà, egkepesaylu pa; iyan, sikan is edsumpalit te Wag̵as he Mulin-ulin, kenè en egkepesaylu te wazè din pidtemanan.

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Mateo 13:39

Ne sikan is kuntada te etew, ne iyan en si Setanas. Ne is tirag̵un, iyan is ketepusan he timpu; ne sikan is ebpemenlegtey, iyan is menge velinsug̵uen te Megbevayà.

Mateo 13:49

Ne keuzemà te ketepusan he timpu, iring kayi is egkeulaula su ebpenhipanew is menge velinsug̵uen te Megbevayà ne edtepizen dan is menge lalung wey menge metazeng he etew.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

1 Kurintu 10:11

Umba neulaula heini is langun su wey metueni te langun he kenà iyan haazà ulaula he egkesuatan te Megbevayà. Ne insurat daan heini su wey ikepenurù kenitew he edsilutan te Megbevayà is ed-ulaula te iring kayi. Su sikitew, meg̵aan tew en egkeumahi is kegketuman te langun he nengetagnà dengan.

Hibriyuhanen 9:26

su emun iyan haazà egkinehenglanen, puun pa te kedlimbag̵a te kelibutan, ne utew mezakel is kebpekeantus din te kebpehimatey. Iyan, wazà iyan haazà kinehenglana su iyan mid-ulaula zin kayi te timpu he meg̵aan en egketapus is kelibutan is: midlepew sikandin wey zin maawà is salè tew pinaag̵i te kebpemuhata zin te keugelingen din he lawa. Ne kesevaha zà is kedhimuwa zin kayi.