Mateo 13:39 - Manobo Western Bukidnon

³⁹ Ne sikan is kuntada te etew, ne iyan en si Setanas. Ne is tirag̵un, iyan is ketepusan he timpu; ne sikan is ebpemenlegtey, iyan is menge velinsug̵uen te Megbevayà.

Mateo 13:39 Кръстосани препратки

Mateo 12:32

Sikan is edsumpalit kedì te Kakey te Menusiyà, egkepesaylu pa; iyan, sikan is edsumpalit te Wag̵as he Mulin-ulin, kenè en egkepesaylu te wazè din pidtemanan.

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Mateo 13:25

Ne sengekezukileman dutun te nekelipezeng sikandin, nekeuma is kuntada zin ne midsewezan dutun te kuntada zin haazà is pemuleey zin te menge veg̵as te mezaat he pinemula ne human med-ulì.

Mateo 13:28

Ne midtavak haazà is etew te, ‘Iyan mibpemula zuen sikan is kuntada ku.’ Ne ke sikandan te, ‘Ebpemezuten dey ve wey ke kenà?’

Mateo 13:40

Ne haazà is ebezuten dan he menge mezaat he pinemula he ebinsulan dan, iyan haazà egkehitavù keuzemà te ketepusan he timpu,

Mateo 13:49

Ne keuzemà te ketepusan he timpu, iring kayi is egkeulaula su ebpenhipanew is menge velinsug̵uen te Megbevayà ne edtepizen dan is menge lalung wey menge metazeng he etew.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

1 Kurintu 10:11

Umba neulaula heini is langun su wey metueni te langun he kenà iyan haazà ulaula he egkesuatan te Megbevayà. Ne insurat daan heini su wey ikepenurù kenitew he edsilutan te Megbevayà is ed-ulaula te iring kayi. Su sikitew, meg̵aan tew en egkeumahi is kegketuman te langun he nengetagnà dengan.

2 Kurintu 11:3

Egkeipeng a keniyu su kela ke meengkezi niw is kebpurungi niw kedtumana te menge sug̵ù ni Kristu su kela ke mesahug is kedtuu niw te selakew he edtuuwen. Kela ke meiringi niw si Ibà dengan su mid-akalan sikandin te teruen he uled he iyan si Setanas.

2 Kurintu 2:17

Iyan, sikami, kenè dey ed-iringan is ulaula te mezakel he ebpenurù su ziyà te kandan henduen be te ibpenapì dan is Lalag te Megbevayà. Ne tenged te midsugù key te Megbevayà, ne tenged daan te edsusiyen key layun te Megbevayà, tutuu is tuyù dey wey egkeg̵iyen dey su nekidsevaha key ki Kristu.

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Hibriyuhanen 9:26

su emun iyan haazà egkinehenglanen, puun pa te kedlimbag̵a te kelibutan, ne utew mezakel is kebpekeantus din te kebpehimatey. Iyan, wazà iyan haazà kinehenglana su iyan mid-ulaula zin kayi te timpu he meg̵aan en egketapus is kelibutan is: midlepew sikandin wey zin maawà is salè tew pinaag̵i te kebpemuhata zin te keugelingen din he lawa. Ne kesevaha zà is kedhimuwa zin kayi.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

Hudas 1:14

Si Inuk, sikan is ikepitu he lapis he kevuwazan ni Adan, netagnè din dengan haazà is menge etew su migkag̵i sikandin te, “Keuzemà ebpekeuma is Nengazen he edumahan te liblibuwen he menge velinsug̵uen din

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 13:14

Ne pinaag̵i te menge egkein-inuwan he intug̵ut kandin he ibpeulaula ziyà te etuvangan dutun te nehuna he langgam, ed-ekalan din is tivuuk he menusiyà dini te kelibutan. Ne zutun edsug̵uen din is menge etew he veeli zan is ledawan dutun te nehuna he langgam ne ezapa zan. Haazà is nehuna he langgam, midtibas duen te sundang, iyan, wazà mebpatey.

Impezayag 19:20

Ne midakep haazà is langgam ne midakep daan kes ebpeneuven ni Setanas, sikan is mibpaahà te menge egkein-inuwan diyà te etuvangan te langgam. (Pinaag̵i zutun te menge egkein-inuwan mid-ekalan din wey meketuu te langgam haazà is langun he menge etew he midtiyapan te tiyap duen te langgam wey mid-azap te ledawan te langgam.) Ne sikan is langgam wey kes ebpeneuven ni Setanas, intimbag sikandan he uuyag pa ziyà te ranew he egkeregreg te esupri.