Mateo 13:36 - Manobo Western Bukidnon

³⁶ Ne zutun mid-ewaan ni Jesus haazà is mezakel he menge etew ne midseled sikandin diyà te valey. Ne is menge sumusundan din, midtelukun dan kandin, ne ke sikandan te, “Luwasa nu kenami ke hengkey is kehulug̵an te menge mezaat he pinemula ziyà te kamet he zuen te sempitè nu.”

Mateo 13:36 Кръстосани препратки

Mateo 13:1

Ne zutun he andew mid-awà si Jesus diyà te valey, ne midhendiyà te ranew ne mibpinuu ziyà te veyvey zutun.

Mateo 13:11

Ne midtavak kandan si Jesus te, “Sikan is in-eles dengan mehitenged te kedhadì te Megbevayà, impesavut en keniyu te menge sumusundan ku, iyan, is duma he menge etew, id-eles heini kandan.

Mateo 13:18

Ne mid-uman megkag̵i si Jesus te, “Pemineg kew wey niw mesavut is kehulug̵an kayi te sempità te keag̵i te etew he ebpemula.

Mateo 13:25

Ne sengekezukileman dutun te nekelipezeng sikandin, nekeuma is kuntada zin ne midsewezan dutun te kuntada zin haazà is pemuleey zin te menge veg̵as te mezaat he pinemula ne human med-ulì.

Mateo 14:22

Ne zutun impemeuntud ni Jesus te avang is menge sumusundan din wey zan mekehuna mekerapas pehendiyà te zehipag dutun te ranew su ibpemeulì din pa haazà is mezakel he menge etew.

Mateo 15:39

Ne zutun impemeulì ni Jesus haazà is menge etew. Ne mid-untud sikandin te avang ne midhendiyà te inged he Megadan.

Mateo 9:28

Ne hein mid-ulì en si Jesus diyà te valey zin, nekeuma zaan haazà is dezuwa he lakap. Ne migkeg̵iyan din sikandan te, “Edtuu kew ve he egkeulian ku is mata niw?” Ne midtavak dan te, “Uya, Datù, edtuu key.”

Marcos 4:34

Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.

Marcos 6:45

Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Marcos 7:17

Ne hein mid-awà si Jesus dutun te menge etew ne midseled diyà te valey, ne mid-insaan sikandin te menge sumusundan din ke hengkey is kehulug̵an duen te migkag̵i zin.

Marcos 8:9

Menge heepat he libu is kezakel zutun te menge etew he nengehantey zutun.