Mateo 13:25 - Manobo Western Bukidnon

²⁵ Ne sengekezukileman dutun te nekelipezeng sikandin, nekeuma is kuntada zin ne midsewezan dutun te kuntada zin haazà is pemuleey zin te menge veg̵as te mezaat he pinemula ne human med-ulì.

Mateo 13:25 Кръстосани препратки

Mateo 13:24

Ne impenurù daan ni Jesus is selakew pa maan he sempità. Ke sikandin te, “Is kedhadì te Megbevayà, ne iring te etew he zuen impemula zin he meupiya he pinemula ziyà te pemuleey zin.

Mateo 13:26

Ne hein midtuvù haazà is meupiya he pinemula, midtuvù daan haazà is mezaat he pinemula.

Mateo 13:27

Ne zutun, is menge sulug̵uen dutun te etew, midhendiyè dan te kandin ne ke sikandan te, ‘Datù, iyan tew impemula ziyà te pemuleey nu is meupiya he pinemula, ne hendei vuwa ebpuun heini is memezaat he pinemula?’

Mateo 13:29

Ne ke sikandin te, ‘Kenè niw zè pa, su kela ke mekeragkes sikan is memeupiya.

Mateo 13:30

Ebpesegdanen tew zè pa taman te egkeuma is tirag̵un, ne human ku ibpepemazut te ebpemenlegtey is memezaat he pinemula, ne ibpepemagkes ku kandan su ebinsulan. Ne is memeupiya he pinemula, ibpezerengdeng ku mulà is beg̵as dan.’ ”

Mateo 13:39

Ne sikan is kuntada te etew, ne iyan en si Setanas. Ne is tirag̵un, iyan is ketepusan he timpu; ne sikan is ebpemenlegtey, iyan is menge velinsug̵uen te Megbevayà.

Mateo 25:5

Ne g̵eina te neug̵et mekeuma sikan is ebpengesawa, ebpemekezungkàdungkè dan en dutun is edtag̵ad he ebpemekelipezeng.

Gelasya 2:4

Iyan, duen menge etew he kenà tutuu he menge tumutuu te tutuu he tuluuwen he midtampu kenami. Egkesuatan dan dutun he sirkunsidara si Tito. Umba midtampu zan he id-eles dan he kenè dan tutuu he tumutuu su wey zan maahà ke edtumanen tew is menge sug̵ù he imbilinbilin ni Moises. Su egkesuatan dan he meiring kiw te uripen pinaag̵i te kedtuman te kesug̵uan minsan te nelibri kiw en ni Jesu Kristu ne wazè en kinahanglan he ebenteyanan tew pa is kesug̵uan.

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

2 Pedro 2:1

Duen dengan menge teruen he etew he uvag kun ebpeneuven te Megbevayà ne iring din ded daan, duen menge etew he edlepew g̵untaan he ebpenurù te tarù diyan te keniyu. Sayep is ibpenurù dan te meeles ne ebpekezezaat heini te upakat niw te menge tumutuu. Ibpenurù dan he kenà Nengazen tew si Jesus he iyan pezem mibelukas kandan ne tenged dutun egketik-awan sikandan ke edsilutan dan.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 13:14

Ne pinaag̵i te menge egkein-inuwan he intug̵ut kandin he ibpeulaula ziyà te etuvangan dutun te nehuna he langgam, ed-ekalan din is tivuuk he menusiyà dini te kelibutan. Ne zutun edsug̵uen din is menge etew he veeli zan is ledawan dutun te nehuna he langgam ne ezapa zan. Haazà is nehuna he langgam, midtibas duen te sundang, iyan, wazà mebpatey.

Impezayag 2:20

Ne minsan pa zutun, duen ulaula niw he kenè ku egkesuatan su sikan is bahi he si Hisibil he egkeg̵iyen din he ebpeneuven sikandin te Megbevayà, idtug̵ut niw he ibpenurù din is mezaat he ulaula ziyà te menge sulug̵uen ku. Egkag̵i sikandin he kenà supak te Megbevayà is kedhilavet te kenè niw esawa wey is kegkaan te impemuhat diyà te menge kenà tutuu he megbevayà.