Mateo 13:24 - Manobo Western Bukidnon

²⁴ Ne impenurù daan ni Jesus is selakew pa maan he sempità. Ke sikandin te, “Is kedhadì te Megbevayà, ne iring te etew he zuen impemula zin he meupiya he pinemula ziyà te pemuleey zin.

Mateo 13:24 Кръстосани препратки

Mateo 13:19

Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

Mateo 13:25

Ne sengekezukileman dutun te nekelipezeng sikandin, nekeuma is kuntada zin ne midsewezan dutun te kuntada zin haazà is pemuleey zin te menge veg̵as te mezaat he pinemula ne human med-ulì.

Mateo 13:31

Ne impenurù en maan ni Jesus is selakew pa he sempità. “Is ked-iseg kebmahabet te edhedian te Megbevayà,” ke sikandin, “ne iring te pinemula he utew zeisek is lisu.

Mateo 13:33

Ne impenurù ni Jesus kandan is selakew pa maan he sempità. Ke sikandin te, “Is kebmezakel te edhedian te Megbevayà, ne iring daan te tapey. Su ke zuen bahi he ebaal te supas egkuwaan din is tapey ne idsahug din te sengebisin he erina. Ne edtulin haazà is erina,” ke si Jesus.

Mateo 13:37

Ne midtavak si Jesus te, “Siak is Kakey te Menusiyà, iyan a sikan is etew he ebpemula te meupiya he pinemula.

Mateo 13:47

Ne is kedhadì te Megbevayà he ziyà te langit, ne iring te laya he intaan diyà te ranew wey mekeutel te minsan hengkey he kelasi te pait.

Mateo 18:23

Su is kedhadì te Megbevayà he ziyà te langit, ne iring te hadì he edsusiyen din is menge utang kandin te menge sulug̵uen din.

Mateo 20:1

Ne migkag̵i si Jesus te, “Is kedhadì te Megbevayà he ziyà te langit, iring te etew he zuen din menge pinemula he g̵awed he egngezanan te paras. Ne midselemselem haazà is etew mebpengahà te etew he edsuhulan din he ibpeterebahu zin dutun te perasan din.

Mateo 21:33

Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Mateo 22:2

Ke sikandin te, “Is kedhadì te Megbevayà he ziyà te langit, ne iring te hadì he midtukud te zekelà he keemuran su ebpengesawa is anak din.

Mateo 25:1

“Dutun te kedlikù ku, is kedhadì te Megbevayà, ne iring te sempità he sepulù he rag̵a he netukid te sulù su edsinug̵ungen dan is ebpengesawa.

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Lucas 13:18

Ne impenurù en maan ni Jesus is selakew en maan he sempità, ke sikandin te, “Hengkey is meupiya he ebpetug-iringan te kebmezakel te menge etew he edhedian te Megbevayà?

Lucas 13:20

Ne mid-uman megkag̵i si Jesus te, “Hengkey pa is meupiya he ebpetug-iringan te kebmezakel te menge etew he edhedian te Megbevayà?

Kulusas 1:5

Umba mezesen is kedtuu niw wey zekelà is gag̵ew niw su kenà egkeawà is perateng niw te langun diyà te langit he integ̵ana keniyu te Megbevayà. Nezineg niw heini zutun te kebpesevuta keniyu te tutuu he penurù he iyan is Meupiya he Tudtulanen.

1 Pedro 1:23

Su mid-umanan ki limbag̵a te Megbevayà ne veg̵u ki en maan he etew pinaag̵i te wazà pidtemanan he Lalag te Megbevayà he iyan ebpekeveg̵ey te untung.