Mateo 13:17 - Manobo Western Bukidnon

¹⁷ Isipa niw heini he zengan mezakel is ebpeneuven wey menge tumutuu te Megbevayà he egkesuat pezem he meehè dan heini is egkeehè niw wey mezineg dan heini is egkezineg niw en, iyan, wazà itug̵ut kandan.”

Mateo 13:17 Кръстосани препратки

Lucas 10:23

Ne midsineruwan ni Jesus is menge sumusundan din hein iyan dan dà, ne ke sikandin te, “Deyzey kew he menge etew su nemetmetahan niw en heini is langun he edhimuwen ku.

Lucas 10:24

Su tutuu is egkeg̵iyen ku keniyu he kenà pira zà is menge ebpemeneuven te Megbevayà dengan wey menge hadì dengan he egkesuat pezem he mekeahà kayi te nengeehè niw g̵untaan, iyan, wazà ipaahà kandan. Ne egkesuatan dan daan he ebpemineg̵en heini is nengezineg niw g̵untaan, iyan, wazà ipepemineg kandan.”

Juan 8:56

Sikan is kepuun niw he si Abraham, utew sikandin nelipey zengan su netuenan din he ibpehendini a te kelibutan umba nelipey sikandin su ebpeebuten e zin.”

Hibriyuhanen 11:13

Ne heini sikandan he neketuu te Megbevayà, pudu zan minatey te wazè dan pa mezawat haazà is impenaad kandan te Megbevayà he egkeangken dan haazà is tanà. Ne minsan pa zutun te wazè dan pa mezawat haazà is impenaad te Megbevayà, wazè dan engkezi is kedtuu zan su netuenan dan he egkeug̵et pa zutun egkezawat dan is ebperetengen dan he impenaad te Megbevayà. Ne ingkepesavut dan he kenà sikandan hustu he meg̵inged dini te kelibutan su iyan hustu he inged dan is langit.