Mateo 13:14 - Manobo Western Bukidnon

¹⁴ Netuman en diyà te kandan kes insurat ni Esaias he migkag̵i te Megbevayà su ke sikandin te, ‘Ebpurung dan ebpemineg, iyan, kenè dan ebpekesavut. Ebpurung dan edtengteng, iyan kenè dan ebpekeahà.

Mateo 13:14 Кръстосани препратки

Marcos 4:12

‘Su zutun ebpurung dan edtengteng, iyan, kenè dan egkeahà, he ke và dà egkeg̵iya, ebpemineg dan, iyan, henduen be te wazè dan mekezineg su kenè dan edsevuten. Su emun egkesavut dan ed-engkezan dan is memezaat he ulaula zan ne egkepesaylu sikandan te Megbevayà!’ ”

Lucas 8:10

Ne midtavak si Jesus te, “Sikan is in-eles dengan mehitenged te kedhadì te Megbevayà, ibpesavut ku en keniyu te menge sumusundan ku, iyan, is menge zuma he menge etew he kenè dan edsundan kedì, ibpenurù ku kandan pinaag̵i te menge sempità su wey minsan edtengteng dan, kenè dan ebpekeahà ne minsan ebpemineg dan ne kenè dan ebpekesavut.”

Ruma 10:16

Iyan, dutun te kebpesevuta te Meupiya he Tudtulanen, mezelag dà is Hudiyu he edtuu su zuen menge lalag dengan ni Esaias diyà te Megbevayà he edhenduen te, “He Nengazen, henduen be te wazà edtuu te impesavut dey,” ke sikandin.

2 Kurintu 3:14

Su zutun neelangan daan is menge kedsavut dan. Ne wazà daan mahalin heini g̵untaan su kemulu pa neelangan is kedsavut te menge Hudiyu. Ne emun ebasa zan mehitenged te zaan he paag̵i kenè dan egkesavut. Ne emun duen kandan edtuu ki Kristu, id-awà te Megbevayà is ebpekealang te isip din ne human sikandin ebpekesavut.