Mateo 12:7 - Manobo Western Bukidnon

⁷ Duen daan insurat he Lalag te Megbevayà he egkag̵i te, ‘Kenà iyan mahal zini te g̵ehinawa ku is menge pemuhat niw, kekenà, iyan is kegkehizu niw te zuma niw.’ ” Ne mid-uman megkag̵i si Jesus te, “Ke hustu is kedsevuta niw kayi te ingkesurat, wazè niw g̵eina mesewayi is wazè din salà.

Mateo 12:7 Кръстосани препратки

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Mateo 9:13

Susiya niw ke hengkey is kehulug̵an duen te insurat he Lalag te Megbevayà he egkag̵i te, ‘Kenè ku iyan egkesuatan is kebpemuhat niw, kekenà, iyan egkesuatan ku is kebpekedhihizuwè niw.’ ” Ne mid-uman megkag̵i si Jesus te, “Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Marcos 12:33

Ne is kebmahala ta te Megbevayà he Nengazen diyà te g̵ehinawa ta, diyà te isip ta, diyà te kedsavut ta wey ziyà te tivuuk he ulaula ta, wey is kebmahala ta te zuma ta he iring en sikandin te keugelingen ta he g̵ehinawa, ne lavew pa heini kenà te langun he menge pemuhat he edtutungen wey menge halad.”

Nengeulaula 13:27

Is menge Hudiyu he menge meg̵inged diyà te Hiruselim wey is menge egalen dan, wazè dan mesavut he iyan si Jesus sikan is edlibri kenitew. Ne wazè dan daan mesavut is insurat he tagnà te ebpemeneuven dengan te Megbevayà. Minsan ke egkezineg dan is kebesaha kayi kada Sebadu ziyà te menge simbahan dan, nengetuman dan gihapun kes nengetagnà pinaag̵i te kegkag̵i zan he zait si Jesus he edhimetayan.

Santiago 5:6

Su impesilutan niw wey mibunù niw is menge metazeng he etew, minsan pa te wazè dan medsukul keniyu.