Mateo 12:36 - Manobo Western Bukidnon

³⁶ Egkeg̵iyen ku keniyu he zutun keuzemà te andew te kedsusi, ed-insaan te Megbevayà is minsan hentei, ke maan is nekekag̵i sikandin te wazà pulus he menge lalag.

Mateo 12:36 Кръстосани препратки

Mateo 10:15

Kenè niw lipati heini he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma wey te inged he Gumura.

Mateo 11:22

Kenè niw lipati he zutun keuzemà te andew te kedsusi te Megbevayà te menusiyà, lavew is idsilut din keniyu kenà te menge etew ziyà te Tiru wey Sidun.

Mateo 12:37

Su pinaag̵i te menge lalag he nenggawas diyà te vèbè niw ne zutun egkeahà keuzemà ke egkesilutan kew ve wey ke kenà.”

Ruma 14:12

Ne zutun diyè kiw ebpekeetuvang te Megbevayà su edsusiyen kiw zin ne egkekag̵i ta kandin is langun he mid-ulaula ta zini te kelibutan.

Ruma 2:16

Ne kenà heini egkelipatan te Megbevayà keuzemà te andew he zutun pinaag̵i ki Jesu Kristu edsusiyen din is minsan in-eles he menge isip te langun he menge etew. Iyan heini ibpenurù pinaag̵i kayi te Meupiya he Tudtulanen he idsangyew ku.

Santiago 3:6

Ne iring daan te hapuy is dilà te etew su ebpekezezaat ne iyan puunà te minsan hengkey he mezaat he ulaula. Pinaag̵i te zilà egkeeneb te mezaat is tivuuk he isip ta wey g̵ehinawa ta. Iyan ebpekerasey kenita te tivuuk he untung ta; iring te hapuy he ziyà ebpuun te Impirnu.

Impezayag 20:12

Ne neehè ku is langun he menge minatey, deisey is pid-etawan din se zekelà is pid-etawan din he ziyà ebpemenhithitindeg te etuvangan te pinuuwà te edhadì. Ne mibekar is menge libru ne mibekar zaan is libru he zutun ilista is egkengeveg̵ayan te untung. Ne mibpemekar zaan is menge zuma he menge libru he zutun isurat is mid-ulaula te menge etew hein uuyag dan pa su edhukuman sikandan tenged te mid-ulaula zan su nekesurat dutun te menge libru.