Mateo 12:34 - Manobo Western Bukidnon

³⁴ Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 12:34 Кръстосани препратки

Mateo 12:35

Is etew he meupiya is ulaula zin, ne meupiya zaan is kebpemèbè din. Is etew he mezaat is ulaula zin, ne mezaat daan is kebpemèbè din.

Mateo 15:18

Iyan, is menge mezaat he lalag he ziyà egawas te vèbà te etew, diyà ebpuun te g̵ehinawa zin, ne iyan heini utew igkeepesi kandin te Megbevayà.

Mateo 23:33

Iring kew te menge uled wey menge anak te uled su utew mezaat is ulaula niw. Ebmenmenuwen niw te kedlikey is silut keniyu ziyà te Impirnu?

Mateo 3:7

Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Lucas 3:7

Ne zuen mezakel he menge etew he nemenhendiyà te ki Juan su ebpemebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Lucas 6:45

Ne iring din ded daan te etew,” ke si Jesus, “su emun meupiya is ulaula zin he etew, memeupiya zaan is nemeketag̵ù diyà te g̵ehinawa zin; meupiya zaan is kebpemèbè din. Iyan, ke mezaat is ulaula zin he etew, memezaat daan is nemeketag̵ù diyà te g̵ehinawa zin, ne mezaat daan is kebpemèbè din. Su is egketag̵ù te g̵ehinawa te etew, iyan daan egkekag̵i zin.”

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

Ipisu 4:29

Kinahanglan he kenà ebpekezezaat is kebpemèbè niw, kekenà, iyan keg̵iya niw is menge lalag he ebpekeveg̵ey he tavang te kedtuu te menge zuma niw su wey zekelà is pulus diyà te ebpemineg sumalà is egkinehenglanen dan.

Ipisu 5:4

Kenè niw g̵emita is menge meremerik, mahawag, wey wazè din pulus he menge lalag, kekenà, layun dekelà is kebpeselemati niw te Megbevayà.

Santiago 3:2

Sikitew is menusiyà, layun kiw egkesayep te mezakel he paag̵i. Ne ke zuen etew he kenà egkesayep pinaag̵i te kegkag̵i zin, wazè en igkesewayi kandin. Egkeveyveyaan din is tivuuk he lawa zin wey kenà mekeulaula te mezaat.

1 Juan 3:10

Ne ke zuen etew he kenà metazeng is menge ulaula zin, tuus heini he kenà sikandin anak te Megbevayà. Ne kenà daan anak te Megbevayà is minsan hentei he kenè din ebmahalen is duma zin. Pinaag̵i kayi egketuusan ta ke hentei is menge anak te Megbevayà wey ke hentei is menge sakup ni Setanas.