Mateo 12:30 - Manobo Western Bukidnon

³⁰ Sikan is kenè ku zuma, kuntada ku; sikan is kenà edtavang kedì, edsanggen kediey.

Mateo 12:30 Кръстосани препратки

Mateo 12:29

Nezaag ku en si Setanas umba igkepaawè ku is menge sakup din, su wazà minsan hentei he ebpekeseled te valey te mezesen he etew wey zin maag̵ew is menge azen dutun te mezesen he etew, emun kenè din egkehunà egkevakus haazà is mezesen he etew. Kinahanglan he ebekusen din edhunai, ne human din egkeag̵ew is menge azen dutun te mezesen he etew.

Mateo 6:24

Is uripen, kenà egkehimu he zezuwa is teg̵iuripen kandin. Su emun dezuwa is ebayàbayà kandin, edtehuzen din is sevaha ne egkepeukan din is sevaha. Ne emun kenà, ne egkeepesan din is sevaha, ne ebmahalen din is sevaha. Ne iring din ded daan emun iyan mahal ziyà te g̵ehinawa nu is ketig̵eyunan, su kenà egkehimu he mahal zaan diyà te g̵ehinawa nu is Megbevayà.

Marcos 9:40

Su is etew he kenè tew kuntada, ne edtavang kenitew.

Lucas 11:23

Ne mid-uman megkag̵i si Jesus te, “Sikan is kenè ku zuma, ne kuntada ku; sikan is kenà edtavang kedì, ne edsanggen kediey.

Lucas 9:50

Ne migkag̵i si Jesus diyà te kandin te, “Kenè niw zewaya is ed-ulaula te iring dutun su is etew he kenè tew kuntada, ne edtavang kenitew.”

Juan 11:52

Ne kenà tenged te menge Hudiyu zà su netagnè din daan he pinaag̵i te kebpatey ni Jesus egkesevaha is langun he menge etew he egkehimu he menge anak te Megbevayà minsan hendei he inged.

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.