Mateo 12:3 - Manobo Western Bukidnon

³ Ne midtavak si Jesus te, “Kenà egkehimu he wazè niw mevasa ziyà te ingkesurat dengan kes mid-ulaula ni Hadì David. Sikandin wey is menge sundaru zin, nengevitil zan.

Mateo 12:3 Кръстосани препратки

Mateo 12:2

Ne naahà haazà te menge Perisiyu ne migkeg̵iyan dan si Jesus te, “Ahaa nu is menge sumusundan nu su edsupaken dan is insug̵ù kenitew te Megbevayà su maan is midlegtey zan kayi te Andew te Kedhimeley.”

Mateo 12:4

Ne wazà sikandin mekesalà minsan te midseled diyà te Valey te Megbevayà ne sikandin wey is menge sakup din, migkaan dan is egkeenen he insavuk diyà te etuvangan te Megbevayà. Ne supak te kesug̵uan haazà is kegkeena zan dutun su iyan dà ebpekekaan dutun he egkeenen is menge memumuhat.

Mateo 12:5

Kenà daan egkehimu he wazè niw mevasa ziyà te ingkesurat ni Moises he is menge memumuhat diyà te Valey te Megbevayà, emun Andew te Kedhimeley kenè dan edhimeley, ne minsan pa zutun kenè dan ebpekesalà.

Mateo 19:4

Ne midtavak si Jesus te, “Wazè niw ves mevasa sikan is insurat he Lalag te Megbevayà

Mateo 21:16

Ne tenged dutun migkag̵i zan diyà te ki Jesus is egkengepauk te, “Egkezineg nu ve heini is egkeg̵iyen dan?” Ne midtavak si Jesus te, “Egkezineg ku. Wazè niw ves mevasa sikan is insurat he tagnà te ebpeneuven te Megbevayà he edhenduen te, ‘Mibpenurù nu is menge vatà wey mehustu is kedelig̵a zan kenikew.’ ”

Mateo 22:31

Egug̵uzan ku sikiyu wey kew mevenari he egkevanhew is menge minatey. Wazè niw ves mevasa sikan is insurat he Lalag keniyu te Megbevayà?

Marcos 12:10

Ne ke si Jesus en maan te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey he vatu, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey.

Marcos 12:26

Ne mehitenged te menge minatey he ebenhawen, wazè niw ve mevasa ziyà te libru he insurat dengan ni Moises kes egkeregreg he sagbet he zutun mibpaahà kandin is Megbevayà? Su minsan te minatey en dutun si Abraham wey si Isaak wey si Hakub, migkag̵i is Megbevayà diyà te ki Moises te, ‘Iyan a Megbevayà he ed-ezapen ni Abraham wey ni Isaak wey ni Hakub,’

Lucas 10:26

Ne midtavak si Jesus te, “Hengkey is nekag̵i te kesug̵uan te Megbevayà he imbilinbilin ni Moises? Hengkey is kedsevuta nu te nengevasa nu?”

Lucas 6:3

Ne midtavak si Jesus te, “Kenà egkehimu he wazè niw mevasa ziyà te ingkesurat dengan kes mid-ulaula ni Hadì David. Sikandin wey is menge sundaru zin ne nengevitil sikandan.