Mateo 12:27 - Manobo Western Bukidnon

²⁷ Emun iyan ibpenegseg ku te menge mezaat he mulin-ulin is gehem he ebpuun diyà te ki Setanas ne hendei ves ebpuun is gehem te menge zuma niw he ebpenegseg te mezaat he mulin-ulin? Pinaag̵i te menge ulaula te menge sumusundan niw egketuusan he nengesayep kew.

Mateo 12:27 Кръстосани препратки

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 9:34

Iyan, migkag̵i is menge Perisiyu zutun te, “Is tekinan te menge mezaat he mulin-ulin, iyan mibeg̵ey kandin te g̵ehem wey zin mevewii is edlelungen te mezaat he mulin-ulin.”

Lucas 11:19

Emun iyan igkesegseg̵a ku te menge mezaat he mulin-ulin is gehem he ebpuun diyà te ki Setanas ne hendei ves ebpuun is gehem te menge zuma niw he ebpenegseg te mezaat he mulin-ulin? Pinaag̵i te menge ulaula te menge sumusundan niw egketuusan he nengesayep kew.

Lucas 19:22

Ne midtavak haazà is hadì te, ‘Lalung ke ves he sulug̵uen! Heeyan dà te menge lalag nu ne mibpesavut he nekesalè ke en kediey. Su netuenan nu ves he is egkekag̵i ku, ne idteg̵el ku, ne is ibpiyal ku, ne ebperetengen ku is uswag din, ne is ibpepemula ku ne ebperetengen ku is abut din. Ne utew venar heeyan.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.