Mateo 12:20 - Manobo Western Bukidnon

²⁰ Kenè din edlekaan is meluya is kedtuu zin kandin. Su edtevangan din is minsan hentei, minsan sikan is deisek is kedsarig din kandin. Kenà ed-engked ebpenudtul taman te ebpekeeneb diyà te minsan hendei is metazeng he ulaula.

Mateo 12:20 Кръстосани препратки

Mateo 11:28

Hendini kew te kediey, sikiyu is langun he nengeveley tenged te ked-uwit te menge meveg̵at he ulaula su ibpehimeley ku sikiyu.

Mateo 11:7

Ne hein nekeg̵enat en haazà is menge sumusundan ni Juan, migkag̵i si Jesus diyà te mezakel he nengetig̵um he menge etew, ke sikandin te, “Hein midhilesung niw si Juan diyà te tanà he wazà duen ed-ubpà he etew, hengkey is inhilesunga niw kandin? Iyan be ed-ahaan niw is etew he iring te sagbet he egkengewaleng te keramag? Kenà iyan haazà su kenà egkehalinhalin is gehinawa ni Juan.

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

2 Kurintu 2:7

Ne g̵untaan kinahanglan he peseyluwa niw sikandin. Sembag̵i niw su kela ke maawà is kedsarig din te Megbevayà te utew subra he kegkeseeng din.

Impezayag 6:2

Ne zutun neehè ku ziyà te etuvangan ku is kudà he meputì he midlepew ne is ed-untud dutun, duen egewezan din he panà. Ne mibeg̵ayan sikandin te kuruna he tuus te kebpekezaag din. Ne zutun midhipanew haazà su ebpenulitu te menusiyà.