Mateo 12:17 - Manobo Western Bukidnon

¹⁷ Umba nekag̵i zin heini su egketuman sikan is Lalag te Megbevayà he netagnà dengan ni Esaias he edhenduen te,

Mateo 12:17 Кръстосани препратки

Mateo 12:16

ne migkeg̵iyan din sikandan he kenè dan tudtula te zuma haazà is mid-ulaula zin.

Mateo 12:18

“Iyan heini sulug̵uen he pinilì ku. Iyan sikandin utew ku minahal ne utew ku egkesuati is menge vaal zin. Ebpeulinan ku sikandin te Wag̵as he Mulin-ulin, ne is metazeng he kukuman ku, edtudtulen din diyà te tivuuk he menusiyà.

Mateo 13:35

Umba neveelan din heini su egketuman kes netagnà dengan te ebpeneuven te Megbevayà he edhenduen te, “Ibpenurù ku kandan is menge sempità. Ibpenudtul ku kandan is in-eles dengan puun pa te kedlimbag̵a te kelibutan taman en guntaan.”

Mateo 21:4

Umba egkeulaula heini is migkag̵i ni Jesus su egketuman kes netagnà te ebpeneuven te Megbevayà dengan he edhenduen te,

Mateo 8:17

Umba mid-ulaula zin heini su egketuman dutun kes netagnà dengan ni Esaias he ebpeneuven te Megbevayà, he egkag̵i te, “In-awè din is menge zaru tew ne mibewian din is menge ebpenggezamen tew.”

Lucas 21:22

Su iyan en haazà sikan is timpu he netagnà dengan he zutun edsilutan te Megbevayà is menge kuntada zin he etew. Ne insurat heini zuen te ebpemeneuven dengan te Megbevayà.

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 10:35

Ne ke si Jesus te, “Kenà egkehimu he edhelinen is insurat he Lalag te Megbevayà. Umba, ke migngezanan din te menge megbevayà is menge kepuun tew zengan he mibeg̵ayan te lalag din,

Juan 12:38

Su pinaag̵i kandan netuman sikan is netagnà dengan ni Esaias, kes ebpeneuven te Megbevayà. Su ke si Esaias te, “Nengazen, wazà edtuu te ibpesavut dey. Wazà nesayud he impeehè nu en kandan is gehem nu.”

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Nengeulaula 13:27

Is menge Hudiyu he menge meg̵inged diyà te Hiruselim wey is menge egalen dan, wazè dan mesavut he iyan si Jesus sikan is edlibri kenitew. Ne wazè dan daan mesavut is insurat he tagnà te ebpemeneuven dengan te Megbevayà. Minsan ke egkezineg dan is kebesaha kayi kada Sebadu ziyà te menge simbahan dan, nengetuman dan gihapun kes nengetagnà pinaag̵i te kegkag̵i zan he zait si Jesus he edhimetayan.