Mateo 12:15 - Manobo Western Bukidnon

¹⁵ Ne hein netuenan ni Jesus is ed-isipen dutun te menge Perisiyu, mid-awà sikandin dutun, ne zuen mezakel he menge etew he nemenduma kandin. Ne neulian din is langun dutun he nengezeruwan,

Mateo 12:15 Кръстосани препратки

Mateo 10:23

Ne emun ebpesipelahan kew zan diyà te sengeinged, pelag̵uy kew pehendiyà te sevaha he inged. Ne venar is egkeg̵iyen ku keniyu he te kenè niw pa egkepasad is ebpeveelan ku keniyu ziyà te langun he menge inged te nasud he Israyil ne edlikù e en is Kakey te Menusiyà.

Mateo 19:2

Utew mezakel he menge etew is nemenduma kandin, ne mibewian din is egkengezeruwan dutun ne nengeulian.

Marcos 6:56

Ne minsan hendei sikandin ebpevayà, ke ziyè be te menge inged wey menge unayan be, ne zutun gihapun egkeuma zin is egkengezeruwan he ed-uwiten diyà te kandin. Idsavuk dan is egkengezeruwan diyà te lugar he ebelegyaan ne edhengyuan dan si Jesus he minsan bà dà mekeg̵awed haazà is egkengezeruwan te minsan sidsid dà te kumbalè din. Ne minsan hentei he nekeg̵awed te kumbalà ni Jesus dutun, ne neulian.

Lucas 5:22

Ne nesavut ni Jesus is diyà te isip dan ne migkeg̵iyan din sikandan te, “Maan is egkeisip niw is iring keniyan?

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Lucas 9:11

Ne netuenan te nerivurun he mezakel he menge etew he midhipanew ensi Jesus ne nemenelukun dan. Ne migalewg̵alew sikandan ni Jesus ne impesavut din kandan is mehitenged te kedhadì te Megbevayà ne mibpemewian din daan is menge etew zutun te minsan hengkey he ebpenggezamen dan.

Juan 11:54

Ne tenged dutun wazè en maan si Jesus mebpeg̵awag̵awa zutun te menge inged te menge Hudiyu, kekenà, midhendiyà te inged he egngezanan te Ipraim he uvey te tanà he kenà ed-ubpaan te etew. Ne zutun sikandin med-ubpà duma te menge sumusundan din.

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 9:4

Te kemulu pa maandew, he ke và dà egkeg̵iya, te kemulu ki pa uuyag, kinahanglan he edtumanen ta is ebpeveelan kenita te Megbevayà he midsug̵ù kediey su emun mezukilem wazà ebpekevaal.

Gelasya 6:9

Umba kenè ki ebpepepeg̵ul te ked-ulaula te meupiya su emun ebpeniguduwan ta heini, egkeuma is timpu keuzemà he zuen idsuhul kenita te Megbevayà he utew meupiya.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.