Mateo 11:24 - Manobo Western Bukidnon

²⁴ Kenè niw lipati he keuzemà te andew te kedsusi te Megbevayà te menusiyà, lavew is silut din keniyu kenà te menge tigSuduma.”

Mateo 11:24 Кръстосани препратки

Mateo 10:15

Kenè niw lipati heini he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma wey te inged he Gumura.

Mateo 11:22

Kenè niw lipati he zutun keuzemà te andew te kedsusi te Megbevayà te menusiyà, lavew is idsilut din keniyu kenà te menge etew ziyà te Tiru wey Sidun.

Mateo 23:14

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Edlimbungan niw is menge valu he vahi wey niw maangken is baley zutun te edlimbungan niw. Ne utew melug̵ayad is ked-ampù niw he iyan paag̵i te kedtembuni niw te mezaat he mibeelan niw. Tenged kayi utew zekelà is silut keniyu te Megbevayà.

Marcos 6:11

Ne ke zuen inged he kenè kew zuen igalewg̵alew wey kenè dan ebpemineg̵en is ibpesavut niw, ne tektaka niw is eliyavuk diyà te menge paa niw he iyan lag̵uy he edsilutan sikandan te Megbevayà.”

Lucas 10:12

Egkeg̵iyen ku keniyu,” ke si Jesus, “he lavew pa is idsilut te Megbevayà dutun te inged emun egkeuma keuzemà is andew te kedsilut, kenà te silut din dengan diyà te menge lalung he etew he meg̵inged diyà te inged he Suduma.”