Mateo 11:10 - Manobo Western Bukidnon

¹⁰ su pinaag̵i ki Juan netuman en kes netagnà diyà te insurat he Lalag te Megbevayà su migkag̵i zutun is Megbevayà te, ‘Iyan heini kes etew he edsug̵uen ku. Ibpehuna ku sikandin kenikew wey zin mehig̵ewani is ibayè nu.’ ”

Mateo 11:10 Кръстосани препратки

Mateo 11:11

Ne mid-uman megkag̵i si Jesus te, “Tentenuzi niw he si Juan Megbebewtismu, wazè pa etew he nekelavew kandin, iyan, ke edhadì keuzemà is Megbevayà he ziyà te langit, is minsan hentei he etew zutun he ebpezumazuma te Megbevayà, minsan utew minus is pid-etawan din, ne lavew pa kenà si Juan guntaan.

Mateo 11:3

“Keleduwi key,” egkag̵i haazà is menge sug̵ù ni Juan diyà te ki Jesus, “ke iyan ke ve kes migkag̵i ni Juan he netagnà is kebpekeuma zin dini te kelibutan wey ke zuen pe be ebpeebuten dey.”

Mateo 3:3

Ne si Juan, iyan sikan is netagnà dengan ni Esaias he migkag̵i zin he, “Duen keuzemà etew ziyà te tanà he wazà duen ed-ubpà he etew. Ne zutun egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin.’ ”

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Juan 1:23

Ne zutun midtavak si Juan. Is tavak din iring te insurat dengan te ebpeneuven he si Esaias. Ke si Juan te, “Iyan a sikan is netagnà he etew he egkezineg is kedwali zin diyà te tanà he wazà duen ed-ubpà. Ke sikandin te, ‘Tendanga niw is ibayà he ed-ikulen te Nengazen.’ ”