Mateo 11:1 - Manobo Western Bukidnon

¹ Ne hein nepasad ni Jesus heini is kedseyseya zin te menge sug̵ù din dutun te sepulù wey zezuwa he sumusundan din, mid-awà sikandin dutun ne midhipanew su ibpenurù din wey ibpesavut din is Lalag te Megbevayà diyà te menge siringan dutun he inged.

Mateo 11:1 Кръстосани препратки

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 7:28

Ne nekepasad si Jesus te ebpenurù dutun. Ne neinuinu is mezakel he nengetig̵um dutun

Mateo 9:35

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.

Marcos 6:12

Ne zutun, nenhipanew haazà is menge sumusundan ni Jesus ne impesavut dan he kinahanglan he iniyug̵i te menge etew is memezaat he ulaula.

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Lucas 8:1

Nepipira pa zutun he andew ne mibeyaan ni Jesus is mezakel he menge inged, dekelà wey se zeisek, ne impesavut din te menge etew zutun is Meupiya he Tudtulanen mehitenged te kedhedii te Megbevayà te menusiyà. Ne sikan is sepulù wey zezuwa he sumusundan din, miduma zan daan kandin.

Juan 15:10

Emun edtumanen niw is menge sug̵ù ku keniyu, ne kenè kew egkeawà te kebmahala ku keniyu zini te g̵ehinawa ku iring te midtuman ku is menge sug̵ù kediey te Amey ku he Megbevayà ne kenà ad daan egkeawà te kebmahala zin kedì diyà te g̵ehinawa zin.

Juan 15:14

Menge emig̵u ku sikiyu ke edtumanen niw is idsug̵ù ku keniyu.

Nengeulaula 1:2

taman en te kebetuna kandin te Megbevayà pehendiyà te langit. Hein midhimetayan si Jesus ne nevanhew, mezakel is paag̵i te kebpaahaa zin te menge epustul te timaan he nevanhew en sikandin. Su seled te kepatan he andew zutun, layun sikandin ebpaahà kandan. Impenurù din kandan is kedhadì te Megbevayà. Ne te wazè pa sikandin betuna pehendiyà te langit, impenurù din daan pinaag̵i te g̵ehem te Wag̵as he Mulin-ulin is ebpeveelan din kandan te menge epustul he zaan he nepilì din.

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 10:42

Ne insug̵ù din kenami he ipesavut dey te menge etew is Lalag te Megbevayà. Insug̵ù daan ni Jesus he ibpesavut dey he iyan sikandin sikan is intezù te Megbevayà he edsusi keuzemà te menge nengeulaula te menge etew he uuyag pa wey minsan is nemematey en.

1 Tiselunika 4:2

Netuenan niw is insug̵ù dey keniyu he ebpuun te Nengazen tew he si Jesus.

2 Tiselunika 3:10

Hein diyan key pa iyan penurù dey keniyu is: sikan is kenà edterebahu, kenà ipekaan.

2 Tiselunika 3:6

Menge suled, tenged te keg̵ehem te ngazan te Nengazen tew he si Jesu Kristu he imbeg̵ey kenami, duen menge idsug̵ù dey keniyu. Iyan is: kenè kew mebpekiduma te tumutuu he tepulen he kenà edsunud te impenurù dey keniyu.