Mateo 10:7 - Manobo Western Bukidnon

⁷ Ipesavut niw kandan he meg̵aan en edhadì te menusiyà is Megbevayà.

Mateo 10:7 Кръстосани препратки

Mateo 10:8

Bewii niw is egkengezeruwan, benhawa niw is ebpatey, bewii niw is menge it-iten wey is ebpenlelungen te mezaat he mulin-ulin. Sikan is nezawat niw he ziyà ebpuun te Megbevayà ne wazè din peveyazi keniyu, ne kenè niw zaan peveyazi zuen te edtevangan niw.

Mateo 11:1

Ne hein nepasad ni Jesus heini is kedseyseya zin te menge sug̵ù din dutun te sepulù wey zezuwa he sumusundan din, mid-awà sikandin dutun ne midhipanew su ibpenurù din wey ibpesavut din is Lalag te Megbevayà diyà te menge siringan dutun he inged.

Mateo 21:31

Ne ke si Jesus te, “Hentei zutun te zezuwa he telesuled is hustu he neketuman te sug̵ù te Amey zan?” Ne ke sikandan diyà te ki Jesus te, “Iyan haazà is kakey.” Ne ke si Jesus dutun te, “Benar iyan he edhuna keniyu is menge mezaat he etew iring te menge menunukut te vuhis wey is menge vahi he ibpenapì dan is dengeg dan su edewaten sikandan te Megbevayà wey zin mehedii kenà sikiyu.

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Mateo 4:17

Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”

Marcos 6:12

Ne zutun, nenhipanew haazà is menge sumusundan ni Jesus ne impesavut dan he kinahanglan he iniyug̵i te menge etew is memezaat he ulaula.

Lucas 16:16

Is kedtumana te kesug̵uan he imbilinbilin dengan ni Moises wey is kedtumana te menge lalag he insurat te menge ebpeneuven dengan te Megbevayà, ne impesavut heini taman dà te timpu ni Juan Megbebewtismu. Puun dutun iyan ibpesavut diyà te langun he menge etew is Meupiya he Tudtulanen te keag̵i te g̵inhedian te Megbevayà. Ne edteg̵el is minsan hentei wey meg̵aan pezem sikandan mekeseled dutun te g̵inhedian.

Lucas 9:2

Ne zutun ne impehipanew zin sikandan su wey zan ikepesavut is Meupiya he Tudtulanen te keag̵i te kedhadì te Megbevayà ne wey zan daan mekepemawì te minsan hengkey he egezamen te etew.

Lucas 9:6

Ne zutun migenat haazà is menge sumusundan ne mibpesusuwayè dan ne midtukid dan is menge inged te ebayà te ebpenudtul te Meupiya he Tudtulanen ne mibpemewian dan daan is egkengezeruwan diyà te kada inged.

Lucas 9:60

Ne midtavak si Jesus dutun te etew te, “Iyan nu ipeleveng te menge minatey sikan is wazà mekezawat te untung he wazà pidtemanan su iyan ku ibpeveelan kenikew is kebpenudtul te Meupiya he Tudtulanen te kedhedii te Megbevayà te menge etew.”

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Nengeulaula 10:25

Ne hein edseled en si Pedro zutun te valey, midsinug̵ung si Cornelio ne midluhud kandin su ed-azap.

Nengeulaula 28:31

Impesavut din kandan ke egkemenumenu is kedhadì te Megbevayà ne impenurù din daan ke hentei is Nengazen tew he si Jesu Kristu. Ne wazè din ieles is kebpenurù din ne wazà daan midawey kandin.

Nengeulaula 4:2

Ne heini is menge punuan, neepesan dan is penurù eni Pedro te menge etew su impenurù ni Pedro he is kegkevanhew ni Jesus, iyan timaan he egkengevanhew keuzemà is menge etew.