Mateo 10:5 - Manobo Western Bukidnon

⁵ Impehipanew ni Jesus heini is sepulù wey zezuwa. Ke sikandin te, “Kenè kew hendiyà te menge inged te menge etew he kenà Hudiyu wey ziyà te menge inged te Semarya.

Mateo 10:5 Кръстосани препратки

Mateo 22:3

Midsug̵ù din is menge sulug̵uen din he ibpetukew sikan is menge etew he migkeg̵iyan he zaan he ipetelavuk dan en dutun te keemuran. Iyan, is menge etew, wazè dan itetepian haazà is menge sulug̵uen.

Mateo 4:15

“Is TigSebulun wey is tigNeptali he kenà menge Hudiyu he ziyà mekeubpà te uvey te ranew ziyà te zapit te edsenlepan te Wahig he Hurdan, sakup te tanà he Geliliya he ed-ubpaan te kenà menge Hudiyu.

Marcos 6:7

Ne midtig̵um din sikan is sepulù wey zezuwa he menge sumusundan din su ibpehipanew zin. Mibpemahinbahin din sikandan te tigduwazuwa. Ne mibpemeg̵ayan din daan sikandan te g̵ehem te kebpeguwà te mezaat he mulin-ulin.

Lucas 10:1

Ne hein neipus heini, duen daan kepituwan wey zewuwa he menge maama he nepilì te Nengazen he si Jesus su ibpehuna zin ibpehipanew te tigduwazuwa ziyà te langun he menge inged he ebpemeyaan din daan.

Lucas 10:33

Ne wazà utew meug̵et ne nekeuma zutun daan is sevaha he kenà Hudiyu su tigSemarya. Ne hein neehè din haazà is nekehidhizeg̵à he midruug ne utew sikandin nehizu.

Lucas 17:16

Ne midluhud diyà te etuvangan ni Jesus ne utew zekelà is kebpeselemati zin kandin. Ne haazà is neulian, ne kenà Hudiyu su tigSemarya he etew.

Lucas 9:1

Ne midtig̵um ni Jesus sikan is sepulù wey zezuwa he menge sumusundan din. Ne kada sevaha kandan, mibeg̵ayan din te g̵ehem su wey zan mevewii is egkengezeruwan wey ikepemeg̵uwè is menge mezaat he mulin-ulin.

Lucas 9:2

Ne zutun ne impehipanew zin sikandan su wey zan ikepesavut is Meupiya he Tudtulanen te keag̵i te kedhadì te Megbevayà ne wey zan daan mekepemawì te minsan hengkey he egezamen te etew.

Juan 17:18

Iring te midsug̵ù a kenikew zini te kelibutan, edsug̵uen ku zaan sikandan wey zan ikepesavut is tivuuk he menusiyà.

Juan 20:21

Ne mid-uman si Jesus megkag̵i ziyà te kandan te, “Mebmelinawen kew. Ne iring te midsug̵ù a te Amey tew he Megbevayà, edsug̵uen ku zaan sikiyu.”

Juan 4:20

Sikan is menge kepuun ku he tigSemarya, kayi zan te vuntud ed-ezapa is Megbevayà, iyan, sikiyu is menge Hudiyu, ibpenurù niw he kinahanglan he ziyè tew te Hiruselim ed-ezapa is Megbevayà.”

Juan 4:5

Ne nekeuma zan diyà te sevaha he inged diyà te Semarya he egngezanan te Sikar he uvey te tanà he imbeg̵ey zengan ni Hakub diyà te anak din he si Jose.

Juan 4:9

Ne migkag̵i haazà is bahi te, “Hudiyu ka ne siak, tigSemarya a. Maan is ebuyù ka te wahig kayi te kedì?” Umba nekag̵i zin heini su is menge Hudiyu, kenè dan ebpekidlalag te minsan hentei he tigSemarya.

Juan 7:35

Ne zutun mibpein-inseey is menge Hudiyu, ke sikandan te, “Hendei vuwa ebpevayà sikandin he kenè tew egketuredu? Kela ke edhendiyà te menge inged te kenà menge Hudiyu he mid-ulian te menge zuma tew he Hudiyu, su ebpenurù sikandin te menge etew he kenà menge Hudiyu!

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 10:45

Is menge tumutuu he Hudiyu he nemekezuma ki Pedro, utew zan nengeinuinu su is Megbevayà, mibpeulinan din daan te Wag̵as he Mulin-ulin is minsan menge etew he kenà menge Hudiyu.

Nengeulaula 8:1

Ingkesuat utew ni Seulu is kedhimetayi zan ki Esteban. Ne inleveng si Esteban te menge tumutuu te Megbevayà. Utew zan ingkeseeng haazà ne midlendag̵an dan. Ne puun dutun te andew te kebpatey ni Esteban, is menge tumutuu, ebpemesipelahan en sikandan te menge punuan he menge Hudiyu ziyà te Hiruselim, ne mibpemelag̵uy zan ne nekedsusuwey zan diyà te tivuuk he prubinsya he Hudiya wey Semarya. Iyan dà wazà mekepelag̵uy is menge epustul.

1 Tiselunika 2:16

ne iring te egkuntedahan dan is tivuuk he menusiyà, su edsemuken key zan wey zey kenà ikesangyew is Lalag te Megbevayà he igkelibri te silut te menge etew he kenà menge Hudiyu. Ne ebpeniguduwan dan te ebaal is taman te egkehimu zan he salà. Ne g̵untaan in-andam en is silut kandan te Megbevayà.