Mateo 10:37 - Manobo Western Bukidnon

³⁷ Ke zuen etew he iyan mahal ziyà te g̵ehinawa zin is amey zin wey iney zin kenà siak, kenà dait sikandin he egngezanan he sumusundan ku. Ne ke iyan mahal ziyà te g̵ehinawa zin is anak din kenà siak, kenà daan sikandin dait he egngezanan he sumusundan ku.

Mateo 10:37 Кръстосани препратки

Mateo 22:37

Ne midtavak si Jesus te, “Kinahanglan he iyan nu mahala ziyà te g̵ehinawa nu is Megbevayà he Nengazen tew. Iyan nu sikandin mahala ziyà te g̵ehinawa nu, isip nu, wey kedsavut nu.

Mateo 22:8

Ne midtig̵um te hadì is menge sulug̵uen din ne ke sikandin te, ‘Nelemise en is keenen, iyan, sikan is ibpemetelavuk ku, kenè bes dait kayi te keemuran ku.

Lucas 14:26

“Sikan is etew he egkesuat he edsundan kediey, iyan, iyan dekelà diyà te g̵ehinawa zin is ginikanan din, esawa zin, menge anak din, menge suled din, ne emun kenà, ne iyan dekelà diyà te g̵ehinawa zin is keugelingen din he lawa, ne kenà egkehimu he tutuu sikandin he sumusundan ku.

Lucas 20:35

iyan, haazà is menge etew he ed-isipen te Megbevayà he zait he ebenhawen he ibpeubpà diyà te langit, kenè dan mulà keuzemà diyà te langit ebpees-eseweey.

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

Impezayag 3:4

Deisey kew zà diyan te Sardis is wazà mevuringi is bisti zin, he ke và dà egkeg̵iya, wazà medtampu te mezaat he ulaula. Ne ebpekezuma kew kedì he edsun-uzan te meputì su zait kew he ebpekiduma kedì.