Mateo 10:3 - Manobo Western Bukidnon

³ Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Mateo 10:3 Кръстосани препратки

Mateo 18:17

Ne emun kenè pa sikandin ebpekidhusayà, tudtula nu ziyà te nengetig̵um he menge zuma niw he tumutuu. Ne emun kenè pa ebpekidhusayà dutun, isipa niw sikandin he iring te etew he kenà tumutuu te Megbevayà wey isipa niw zaan sikandin he iring te sevaha zuen te limbungan he menunukut te vuhis.

Mateo 27:56

Ne zutun si Maria Megdelina, wey si Maria, sikan is iney ni Santiago wey ni Jose, ne elin daan sikan is esawa ni Sibidiyu.

Mateo 9:9

Ne mid-ewaan sikandan ni Jesus ne zutun te ibayè din neehè din is menunukut te vuhis he egngezanan ki Mateo he zutun he timpu ebpimpinuu ziyà te upisina zin. Migkeg̵iyan ni Jesus te, “Sunud ka kedì.” Ne zutun midhitindeg si Mateo ne midsunud ki Jesus.

Marcos 15:40

Ne zutun te malù meziyù, duen daan menge vahi he ed-ahà. Ne zutun si Maria Megdelina, si Maria he iney ni Jose wey ni Santiago he zeisek. Ne elin daan dutun si Selumi.

Marcos 2:14

Ne hein nepasad haazà is kebpenurù din ne midlaus si Jesus, ne ziyà te ibayè din duen upisina te menunukut te vuhis. Ne zutun neehè din is anak ni Alpiyu he si Levi he menunukut te vuhis he ebpimpinuu zutun. Ne migkeg̵iyan din te, “Sunud ka kedì.” Ne zutun midhitindeg si Levi ne midsunud ki Jesus.

Lucas 18:10

Ne ke si Jesus te, “Duen dezuwa he etew he midhendiyà te zekelà he simbahan he Valey te Megbevayà su ed-ampù dan. Ne is sevaha zutun, ne Perisiyu, ne is sevaha, ne menunukut te vuhis.

Lucas 18:11

Ne midhitindeg haazà is Perisiyu ne mid-ampù pinaag̵i te g̵ehinawa zin, ke sikandin te, ‘Megbevayà, ebpeselamat a kenikew su kenà a iring te zuma. Kenà a leg̵ezen; kenà a ebpenlimbung; kenè ku edselselaan is esawa ku. Ebpeselamat a zaan kenikew su kenà a iring keniyà te limbungan he menunukut te vuhis.

Lucas 18:13

Iyan, haazà is sevaha he etew he menunukut te vuhis, ne mibpekeziyù sikandin is ebpekezuzungul ne egkepenempaling din is kumeng din su utew neseeng. Ne mid-ampù sikandin diyà te Megbevayà he egkag̵i te, ‘Megbevayà, ikehizu a utew kenikew is sevaha he etew he mekesesalà!’ ”

Lucas 19:2

Ne zuen dutun maama he tigHiriku he egngezanan ki Sekiyu. Ne haazà si Sekiyu, ne iyan egalen te menge menunukut te vuhis dutun; ne sepian daan utew sikandin.

Lucas 5:27

Ne hein neipus haazà, ne mid-awà dutun si Jesus ne neehè din is sevaha he menunukut te vuhis he egngezanan ki Levi he ebpimpinuu ziyà te upisina zin. Ne migkeg̵iyan ni Jesus te, “Mama, sunud ka kedì.”

Juan 1:48

Ne ke si Natanael te, “Maan is egkekilala a kenikew?” Ne ke si Jesus te, “Te wazè ke pa beyai ni Felipe, neehè ku sikew is diyà te sihung te kayu he igira.”

Juan 11:16

Ne si Tomas, kes migeraran dan te Sereping, migkag̵i ziyà te menge zuma zin he sumusundan te, “Edhendiyè kiw en su wey kiw mebpatey zuma ki Jesus.”

Juan 14:22

Ne zutun migkag̵i si Hudas (kenà sikan is Hudas he tigKeriyuti), ke sikandin diyà te ki Jesus te, “Maan is edhimuwen nu he metueni zey sikew ne kenè nu edhimuwen he metueni ka te menge etew he wazà medtuu kenikew?”

Juan 14:5

Ne migkeg̵iyan si Jesus ni Tomas te, “Wazè dey metueni ke hendei ka ebpevayà. Ebmenmenuwen dey ve te kegketureduwa zey te ibayè nu?”

Juan 14:9

Ne midtavak si Jesus te, “Neug̵et en utew is kebpekiduma ku kenikew, Felipe, ne wazè nu ves metueni ke hentei a? Su is nekeahà kedì, ne nekeehè en daan te Amey ku he Megbevayà. Maan is egkesuat ka he ibpeehè ku kenikew is Amey ku?

Juan 21:2

Dutun si Simon Pedro, wey si Tomas he migngezanan te Sereping, si Natanael he tigKana ziyà te Geliliya, wey elin daan dutun is dezuwa he anak ni Sibidiyu wey zuen daan dutun dezuwa pa he menge sumusundan ni Jesus.

Nengeulaula 1:13

Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.

Nengeulaula 12:17

Ne in-uyew zin kandan he kenè dan megurub ne mibpenudtul zin kandan is paag̵i te Nengazen te kedlibriya kandin puun diyà te pirisuwan. Ne migkeg̵iyan din sikandan te, “Tudtuli niw zaan si Santiago wey is menge zuma he suled tew.” Ne mid-awà sikandin dutun, ne midhendiyà te sengeinged.

Nengeulaula 15:13

Ne hein neketapus dan is egkag̵i, human megkag̵i si Santiago. Ke sikandin te, “Menge suled, pemineg̵a niw is egkeg̵iyen ku.

Nengeulaula 21:18

Ne nepawà dutun nenumbaley key ki Pablo ziyà te ki Epustul Santiago, ne zutun daan is langun he menge ebmeg̵urangen te menge tumutuu.

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.

Hudas 1:1

Siak si Hudas is suled ni Santiago wey is sulug̵uen ni Jesu Kristu. Sikiyu is midhimu te Amey tew he Megbevayà he menge tumutuu he menge minahal zin he midlig-enan ni Jesu Kristu, iyan kew ebpesuratan ku.