Mateo 10:25 - Manobo Western Bukidnon

²⁵ Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 10:25 Кръстосани препратки

Mateo 12:24

Ne zuen menge Perisiyu zutun ne hein nezineg dan haazà migkag̵i zan te, “Umba zuen gehem din he ebpekeulì te edlelungen te mezaat he mulin-ulin su iyan mibeg̵ey kandin te g̵ehem si Endedaman, sikan is egalen te menge mezaat he mulin-ulin.”

Mateo 12:27

Emun iyan ibpenegseg ku te menge mezaat he mulin-ulin is gehem he ebpuun diyà te ki Setanas ne hendei ves ebpuun is gehem te menge zuma niw he ebpenegseg te mezaat he mulin-ulin? Pinaag̵i te menge ulaula te menge sumusundan niw egketuusan he nengesayep kew.

Mateo 9:34

Iyan, migkag̵i is menge Perisiyu zutun te, “Is tekinan te menge mezaat he mulin-ulin, iyan mibeg̵ey kandin te g̵ehem wey zin mevewii is edlelungen te mezaat he mulin-ulin.”

Marcos 10:39

Ne midtavak dan te, “Uya egkeantus dey.” Ne migkag̵i si Jesus te, “Benar iyan he ibpaantus keniyu is iring te merasey wey is kemereg̵enan he ibpaantus daan kediey,

Marcos 3:22

Ne zuen dutun menge menunudlù te kesug̵uan he ebpuun diyà te inged he Hiruselim ne ke sikandan te, “Heini he etew, mid-ulinan sikandin ni Endedaman, sikan is egalen te menge mezaat he mulin-ulin, ne tenged kayi igkepeg̵uwè din puun te menge etew is menge mezaat he mulin-ulin.”

Lucas 11:15

Iyan, duen dutun migkag̵i te, “Iyan mibeg̵ey kandin te g̵ehem te kebpenegseg te menge mezaat he mulin-ulin si Endedaman, sikan is egalen te menge mezaat he mulin-ulin.”

Lucas 11:18

Ne emun egketebek ni Setanas is menge sakup din egkezeetan is gehem din. Kenà egkehimu is migkag̵i niw he pinaag̵i te g̵ehem ni Endedaman egkezaag ku is menge sakup din.

Lucas 11:19

Emun iyan igkesegseg̵a ku te menge mezaat he mulin-ulin is gehem he ebpuun diyà te ki Setanas ne hendei ves ebpuun is gehem te menge zuma niw he ebpenegseg te mezaat he mulin-ulin? Pinaag̵i te menge ulaula te menge sumusundan niw egketuusan he nengesayep kew.

Juan 10:20

Mezakel kandan is egkag̵i te, “Ebuneg̵en sikandin wey mid-ulinan te mezaat he mulin-ulin. Kenè tew ebpemineg̵en sikandin.”

Juan 7:20

Ne midtavak haazà is menge etew te, “Kela ka midsuukan ka te mezaat he mulin-ulin su wazè man egkesuat he edhimatey kenikew?”

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!