Mateo 10:2 - Manobo Western Bukidnon

² Iyan heini menge ngazan te sepulù wey zezuwa he sumusundan he migeraran ni Jesus he epustul, he ke và dà egkeg̵iya, menge sug̵ù din: iyan lavew kandan si Simon he migeraran ni Jesus ki Pedro; ne zutun daan si Andres he hazi ni Pedro wey is menge anak ni Sibidiyu he si Santiago wey si Juan is hazi ni Santiago.

Mateo 10:2 Кръстосани препратки

Mateo 17:1

Neiwas is heenem dutun he andew ne miduma ni Jesus ensi Pedro, si Santiago, wey si Juan, sikan is hazi ni Santiago, ne midtekezeg dan te metikang he vuntud he iyan dan dà.

Mateo 20:20

Ne zutun mid-uvey ziyà te ki Jesus is esawa ni Sibidiyu zuma is dezuwa he anak din he maama. Midluhud sikandin diyà te etuvangan ni Jesus su zuen ebuyuen din.

Mateo 26:37

Ne miduma zin si Pedro wey sikan is dezuwa he anak ni Sibidiyu. Ne zutun utew neseeng sikandin wey mibmesakit utew is gehinawa zin.

Mateo 4:18

Sevaha he andew te edhipanew si Jesus diyà te veyvey te ranew he Geliliya, neehè din is dezuwa he maama, si Simon (kes mid-umanan din ngezani ki Pedro) wey is hazi ni Simon he si Andres. Ebpenlaya sikandan diyà te ranew su menlelaya sikandan.

Mateo 4:21

Ne midlaus dan dutun ne neuma ni Jesus is selakew pa he zezuwa he telehazi zaan, si Santiago wey si Juan, he menge anak ni Sibidiyu. Diyà sikandan te avang duma te amey zan su ebpurungan dan is menge laya zan. Mid-umew sikandan ni Jesus ne

Marcos 1:29

Ne mid-awà ensi Jesus dutun te simbahan ne midhendiyè dan te valey eni Simon wey ni Andres. Ne miduma zaan kandan si Santiago wey si Juan.

Marcos 13:3

Ne hein diyè dan te vuvungan he egngezanan te Ulivuwan, egkepantew zan sikan is dekelà he simbahan. Ne mid-insaan si Jesus eni Pedro, Santiago, Juan, wey Andres dutun te wazè dan duma,

Marcos 6:30

Ne is menge epustul ni Jesus, nekelikù dan diyà te kandin, ne midtudtul zan diyà te kandin is langun he mid-ulaula zan wey impemenurù dan.

Lucas 11:49

Is Megbevayà he utew metau, migkag̵i sikandin dengan te, ‘Ibpehendiyan ku pa te kandan is ebpemeneuven wey is menge epustul. Ne edhimetayan dan is duma ne is duma ebpesipelahan dan.’ Umba migkag̵i heini te Megbevayà su netuenan din he sikiyu is menge Hudiyu, nesevaha is gehinawa niw te g̵ehinawa te menge kepuun niw.

Lucas 22:14

Ne hein iyan en uras te kedlavung ne mibpinuu si Jesus wey is menge epustul zin is ebpemengaan.

Lucas 22:8

Ne zutun midsug̵ù ni Jesus si Pedro wey si Juan he ibpehuna zin sikandan ne migkeg̵iyan din te, “Huna kew en ne teg̵enaha niw en is idlavung tew kayi te Pista te Kedlevayi.”

Lucas 5:10

Elin daan nengeinuinu zutun is menge anak ni Sibidiyu he si Santiago wey si Juan he menge zuma ni Simon te ebpenlaya. Ne migkag̵i si Jesus diyà te ki Simon te, “Kenè ka mahandek. Menlelaya ka te pait, iyan, puun guntaan iyan ku ibpeveelan kenikew is kebpen-ahà te etew wey mehimu he menge sumusundan ku.”

Lucas 9:10

Ne mid-ulì sikan is sepulù wey zezuwa he epustul ni Jesus ne midtudtul zan kandin is langun he mid-ulaula zan. Ne zutun miduma zin sikandan he iyan dan dà pehendiyà te inged he Bitsayda.

Juan 12:22

Ne si Felipe, migkag̵i zin heini ziyà te ki Andres, ne zutun mibpezumehè dan pehendiyà te ki Jesus, ne midtudtul zan kandin.

Juan 13:23

Ne zutun te zurug ni Jesus kes sumusundan din he pinedtayè din utew.

Juan 20:2

Ne tenged dutun, mibpelelag̵uy ne midhendiyà te ki Simon Pedro wey zuen te sevaha he sumusundan, sikan is mahal ziyà te g̵ehinawa ni Jesus. Ne migkeg̵iyan sikandan ni Maria te, “Is Nengazen tew he si Jesus, in-awè dan duen te midlevengan kandin ne wazè dey metueni ke hendei zan uwita.”

Juan 21:2

Dutun si Simon Pedro, wey si Tomas he migngezanan te Sereping, si Natanael he tigKana ziyà te Geliliya, wey elin daan dutun is dezuwa he anak ni Sibidiyu wey zuen daan dutun dezuwa pa he menge sumusundan ni Jesus.

Juan 21:20

Ne zutun midlilingey si Pedro ne neehè din he edtinundug kandan sikan is sumusundan he pinedtayà ni Jesus. Iyan sikandin sikan is dutun te kedlavung dan te wazè pa mebpatey si Jesus, diyà sikandin te zurug ni Jesus. Iyan daan kes mid-insà ki Jesus te, “Hentei kenami is ed-akal kenikew?”

Juan 21:24

Iyan a haazà is sumusundan he egkeg̵iyen din; iyan a ebpenistig̵us he tutuu heini is langun; iyan a midsurat kayi te langun ne netuenan dey he tutuu heini is insurat ku.

Juan 6:67

Ne zutun migkeg̵iyan ni Jesus sikan is sepulù wey zezuwa he menge epustul, ke sikandin te, “Sikiyu zaan, edsuwey kew ve kedì?”

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Juan 6:71

Iyan egkeg̵iyen din si Hudas he anak ni Simon he tigKeriyuti su sevaha sikandin dutun te sepulù wey zezuwa, ne iyan si Hudas ed-akal kandin.

Juan 6:8

Ne zutun migkag̵i si Andres. Si Andres, hazi ni Simon Pedro wey sevaha zutun te menge sumusundan ni Jesus, ne ke sikandin te,

Nengeulaula 1:13

Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.

Nengeulaula 1:26

Ne hein nepasad dan te ed-ampù midripa zan haazà is dezuwa ne iyan neripahan si Matias, ne nehimu sikandin he sevaha te menge epustul iring dutun te sepulù wey sevaha.

Nengeulaula 12:2

Si Santiago, sikan is suled ni Juan, impetibas ni Hirudis su wey mebpatey.

Nengeulaula 3:1

Ne sengeandew te zutun he timpu mibpezumahà si Pedro wey si Juan is edtekezeg pehendiyà te Valey te Megbevayà su uras en te ked-ampù su liwazè en he ebpenaug is andew.

1 Kurintu 15:7

Ne netapus heini is kebpaahaa kandan, mibpaahà sikandin ki Santiago ne zutun mibpaahà med-uman te langun he menge epustul.

Ipisu 4:11

Iyan menge ketau he imbeg̵ey zin kenitew is: is duma, midhimu zin he epustul; ne is duma, midhimu zin sikandan he peneuva te Megbevayà; ne is duma, ne imbeg̵ey zin kandan is ketau wey zan ikesangyew is Meupiya he Tudtulanen; ne is duma pa, ne imbeg̵ey zin kandan is ketau wey zan meuwit wey mepenurù is menge tumutuu.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

1 Pedro 1:1

Iyan a si Pedro is teg̵isurat kayi. Epustul a ni Jesu Kristu, he ke và dà egkeg̵iya, sug̵ù din. Ebpesuratan ku sikiyu is nengaaram te Megbevayà he nemekedsuwey ziyà te g̵awas te inged niw. Is duma keniyu, ne ziyà mekepelag̵uy te prubinsya he Puntu, is duma, ne ziyà te menge prubinsya he Gelasya wey Kepedusya, wey Asya, wey Bitinya.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

2 Juan 1:1

Siak is meg̵urang, ebpesuratan ku sikew is bahi he pinilì te Megbevayà wey is menge anak nu. Utew kew mahal zini te g̵ehinawa ku ne kenà dini zà te kedì he g̵ehinawa, kekenà, mahal kew zaan diyà te langun he neketuu te tutuu he tuluuwen.

3 Juan 1:1

Siak is meg̵urang, ebpesuratan ku sikew, Gayu, is emig̵u ku he utew ku minahal.

Impezayag 1:1

Iyan heini kedtudtula te impezayag ni Jesu Kristu. Insarig heini kandin te Megbevayà wey zin daan ikepesavut diyà te menge sulug̵uen te Megbevayà ke hengkey is meg̵aan en he egkengeulaula. Impesavut heini ni Kristu pinaag̵i te kedsug̵ua zin te velinsug̵uen din diyà te kediey te sulug̵uen din he si Juan.

Impezayag 1:9

Iyan a si Juan is sevaha he suled niw tenged te kedtuu ku ki Jesus. Iring keniyu nekeantus a zaan te menge kemeresayan su sakup a zaan te g̵inhedian din. Tenged te ingkepauk te gubirnu is kebpenudtul ku te Lalag te Megbevayà wey is kebpenurù ku te impesavut ni Jesus, impesivey a ne ziyà a ibpeubpà te sengepupulu he egngezanan te Patmus.

Impezayag 18:20

Ne sikiyu is menge meg̵inged diyà te langit, lipey kew tenged te limas kayi te zekelà he inged. Lipey kew zaan is menge tumutuu wey menge epustul wey ebpeneuven te Megbevayà su midsilutan te Megbevayà haazà is inged tenged te menge pesipala zin keniyu!

Impezayag 22:8

Ne siak si Juan is nekezineg wey nekeahà te langun he insurat ku kayi. Ne hein neipus ku te ed-ahà wey ebpemineg is langun kayi, midlangkeb a zutun te etuvangan te velinsug̵uen he mibpaahà kedì kayi te langun su ed-ezapen ku pezem.