Mateo 1:25 - Manobo Western Bukidnon

²⁵ Iyan, wazè din si Maria uvayi taman te wazè pa mekeanak. Ne hein in-anak en haazà is batà, migngezanan ni Jose ki Jesus.

Mateo 1:25 Кръстосани препратки

Mateo 1:21

Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Mateo 1:24

Ne zutun nepukew si Jose. Ne midtuman din haazà is sambag kandin te velinsug̵uen te Nengazen ne mid-esawa zin si Maria.

Lucas 1:31

Ebmeg̵ingey ka ne ebpekeanak ka te maama ne ngezani nu sikandin ki Jesus.

Lucas 2:21

Ne is menge g̵inikanan dutun te vatà, hein nekewalu en is ked-enaka kandin ne midsirkunsidar zan sikandin sumalà is betasan dan. Ne migngezanan dan sikandin ki Jesus he iyan sikan is inngazan kandin duen te velinsug̵uen te wazè pa sikandin ikeg̵ingey.

Lucas 2:7

ne in-anak din is maama he iyan en pengenayan. Ne mibukusan din haazà is batà te malung ne impehizeg̵è din diyà te selemakà te kudà su wazè dan ed-ereg̵an dutun te valey he ebpehizeg̵aan te etew su neenget en te etew.

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.