Mateo 1:21 - Manobo Western Bukidnon

²¹ Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Mateo 1:21 Кръстосани препратки

Mateo 1:25

Iyan, wazè din si Maria uvayi taman te wazè pa mekeanak. Ne hein in-anak en haazà is batà, migngezanan ni Jose ki Jesus.

Lucas 1:13

Ne zutun migkag̵i kandin haazà is belinsug̵uen te, “Kenè ka mahandek, Zacarias, su nezineg te Megbevayà is ked-ampù nu ne edhimuwen din he meg̵ingey nu is esawa nu he si Elisabet ne ed-anak si Elisabet te maama ne iyan nu ingazan kandin si Juan.

Lucas 1:31

Ebmeg̵ingey ka ne ebpekeanak ka te maama ne ngezani nu sikandin ki Jesus.

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Lucas 2:21

Ne is menge g̵inikanan dutun te vatà, hein nekewalu en is ked-enaka kandin ne midsirkunsidar zan sikandin sumalà is betasan dan. Ne migngezanan dan sikandin ki Jesus he iyan sikan is inngazan kandin duen te velinsug̵uen te wazè pa sikandin ikeg̵ingey.

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Juan 4:42

ne migkeg̵iyan dan sikan is bahi te, “Nemeketuu key, kenà tenged dà te migkag̵i nu, kekenà, tenged daan te nezineg dey is menge lalag din, ne netuenan dey en he tutuu iyan he iyan sikandin sikan is Menluluwas te menusiyà.”

Nengeulaula 13:23

Na,” ke si Pablo, “si Jesus, is sevaha he kevuwazan ni Hadì David, iyan impenaad te Megbevayà he edlibri kenitew te kevuwazan ni Israyil wey kiw kenà mesiluti.

Nengeulaula 3:26

Umba,” ke si Pedro, “hein midsug̵ù te Megbevayà is sulug̵uen din he si Jesus, impehuna zin ipehendini te kenitew te menge Hudiyu su wey kiw zin metevangi pinaag̵i te kebpeengkezi zin kenitew te memezaat he ulaula tew.”

Nengeulaula 4:12

Iyan dà si Jesus ebpekelibri te silut kenitew,” ke si Pedro, “su zini te tivuuk he kelibutan wazè en duma pa he ngazan he etew he ebpemeleveg he imbeg̵ey te Megbevayà.”

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.

1 Juan 1:7

Emun merayag mulà is ibayè tew iring te merayag is Megbevayà, he ke và dà egkeg̵iya, emun mibpesakup kiw te Megbevayà, egkeupakat kiw ne layun kiw edlumpiyuwi te minsan hengkey he salè tew pinaag̵i te kebpelisi kenitew te lengesa ni Jesus he Anak te Megbevayà.

1 Juan 3:5

Netuenan niw en he umba mibpeetew si Kristu su wey zin maawà is menge salè tew. Ne netuenan niw zaan he wazà minsan sevaha he salà he nehimu zin wey egkehimu zin.

Impezayag 7:14

Ne midtavak a te, “Iyan ka nesayud.” Ne ke sikandin te, “Heini is menge etew, ebpemekeuma sikandan he ebpuun dutun te zekelà he kemeresayan diyà te lumpad te kelibutan. Mibpemìpian dan is menge bisti zan diyà te lengesa te nati he kerehidu wey zan mehimu he meputì, he ke và dà egkeg̵iya, nepalis en is menge salè dan.