Mateo 1:18 - Manobo Western Bukidnon

¹⁸ Iyan heini g̵ug̵ud te keag̵i te ked-enaka ki Jesu Kristu. Nekeg̵unan is iney zin si Maria te maama he egngezanan ki Jose. Iyan, te wazè dan pa meked-esawa, netuenan ni Maria he meg̵ingey sikandin pinaag̵i te g̵ehem te Wag̵as he Mulin-ulin.

Mateo 1:18 Кръстосани препратки

Mateo 1:1

Iyan heini kes gug̵ud te kepuun ni Jesu Kristu. Kevuwazan si Jesu Kristu ni Hadì David dengan. Ne si David, kevuwazan ni Abraham.

Mateo 12:46

Ne te kemulu pa ebpekidlalag si Jesus dutun te menge etew, nekeuma is iney zin wey menge hazi zin he maama. Ne edtag̵ad dan ki Jesus diyà te g̵awas su zuen egkeg̵iyen dan kandin.

Mateo 2:11

Ne hein midseled dan dutun te valey neehè dan haazà is batà wey is iney zin he si Maria. Ne midluhud dan su ed-ezapen dan haazà is batà. Ne zutun impelepew zan is menge kavan he zutun itagù is ketig̵eyunan dan ne mibeg̵ayan dan sikandin te vulawan wey menge mahal he mehemut he beyewà wey mira.

Lucas 1:25

Ne ke sikandin te, “Human guntaan ingkehizu a te Megbevayà su ebpekeanak e zed, ne is wazè ku kebpekeanak dengan ne kenè ku en igkeeled.”

Lucas 2:5

Ne miduma ni Jose si Maria, sikan is bahi he nekeg̵unan din su ebpesinsus dan. Meg̵ingey zutun si Maria.

Hibriyuhanen 10:5

Ne egketuenan ta heini su zutun te timpu zengan he nekeuma si Kristu zini te kelibutan, migkag̵i sikandin diyà te Amey zin he Megbevayà te, “Kena iyan is menge ibpemuhat he ayam egkesuatan nu, kekenà, midlimbag nu is lawa he egkeg̵amit ku, ne iyan heini egkesuatan nu he ibpemuhat.

Hibriyuhanen 7:26

Iyan si Jesus lavew he memumuhat he egkinehenglanen tew su wazà igkesewayi te menge ulaula zin, wazè din salà, ne wazè din sayep. Ne kenà sikandin iring te menge mekesesalà he menusiyà, ne midhimu sikandin te Megbevayà he lavew te minsan hentei ziyà te langit.