Marcos 9:9 - Manobo Western Bukidnon

⁹ Ne zutun te kedtupang dan, mibeleuzan sikandan ni Jesus te, “Taman te kenè e pa ebenhawen is Kakey te Menusiyà, kenè niw penudtula sikan is neulaula he neehè niw g̵eina.”

Marcos 9:9 Кръстосани препратки

Mateo 12:19

Ne kenà sikandin ebpekidlawan; kenà daan ebpemensag; kenà daan egkezineg sikandin he edikursu ziyà te menge kersada te inged.

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Mateo 8:4

Ne migkeg̵iyan ni Jesus te, “Pemineg ka, Mama, kenè nu tudtula ziyà te minsan hentei, kekenà, pehendiyè ka g̵untaan te memumuhat he midhimu te Megbevayà wey zin maahà he neulian ka; ne tumana nu sikan is pemuhat he insug̵ù dengan ni Moises te it-iten, su wey metueni te langun he neulian ka iyan.”

Marcos 5:43

Ne mibeleuzan sikandan ni Jesus he kenè dan penudtula ke hengkey is neulaula. Ne migkeg̵iyan din daan sikandan he ipekaan dan haazà is anak dan.

Marcos 7:36

Ne zutun migkeg̵iyan ni Jesus is menge etew zutun he kenè dan penudtula haazà is neehè dan he mibeelan din, iyan, nasì wazà meeren is tudtul zan mehitenged dutun te neehè dan.

Marcos 9:10

Ne midtuman dan haazà is lalag kandan ni Jesus, iyan, mibpein-inseey zan is tetelu ke hengkey is ibpesavut ni Jesus te kegkag̵i zin he ebenhawen sikandin.

Marcos 9:8

Ne zutun mibpenlangulangu haazà is menge sumusundan, iyan, wazè en dutun egkaahà he zuma he etew su iyan dà si Jesus maan duma zan dutun.

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Lucas 9:36

Ne hein mid-engked haazà is egkag̵i ne iyan dà maan dutun si Jesus neehè dan. Ne puun dutun he timpu wazè pa minsan sevaha he etew he midtudtulan dan te neehè dan.