Marcos 9:7 - Manobo Western Bukidnon

⁷ Ne neselikuvungan sikandan te g̵apun ne nezineg dan is midtik-ew megkag̵i he ebpuun dutun te g̵apun te, “Iyan heini sikan is Anak ku he utew ku minahal. Pemineg̵a niw is menge lalag din.”

Marcos 9:7 Кръстосани препратки

Mateo 27:43

Edsarig kun sikandin te Megbevayà ne egkeg̵iyen din daan he Anak sikandin te Megbevayà. Ed-ahaan ta g̵untaan ke edlibriyen sikandin te Megbevayà ke tutuu he igkesuat sikandin te Megbevayà,” ke sikandan.

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Mateo 3:17

Ne zutun nezineg is Megbevayà diyà te langit he egkag̵i, ke sikandin te, “Iyan heini Anak ku he utew ku minahal. Utew ku sikandin igkelipey.”

Marcos 1:11

Ne zutun nezineg is Megbevayà diyà te langit he egkag̵i te, “Minahal ku sikew he anak ku. Utew ku en sikew igkelipey.”

Marcos 9:6

Utew zan nengehandek umba wazà metentenuzi ni Pedro ke hengkey haazà is nekag̵i zin.

Marcos 9:8

Ne zutun mibpenlangulangu haazà is menge sumusundan, iyan, wazè en dutun egkaahà he zuma he etew su iyan dà si Jesus maan duma zan dutun.

Juan 1:34

Neehè ku en,” ke si Juan, “ne egkeg̵iyen ku keniyu he iyan sikandin sikan is Anak te Megbevayà.”

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

Juan 12:28

Ne zutun migkeg̵iyan ni Jesus is Amey zin he Megbevayà, ke sikandin te, “Amà, himuwa nu he mevantug ka te menge etew.” Ne zutun duen lalag he ebpuun te langit he egkag̵i te, “Midhimu ku en, ne ed-umanan ku edhimuwa.”

Juan 19:7

Ne migkag̵i ziyà te kandin haazà is menge Hudiyu te, “Sumalà te kesug̵uan dey, kinahanglan he edhimetayan heini he etew su midsupak din is kesug̵uan su migkag̵i zin he iyan sikandin sikan is Anak te Megbevayà.”

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Juan 5:18

Ne zutun mid-iseg is suat te menge punuan he menge Hudiyu te kegkehimetayi kandin su ke sikandan te, “Kenè dà taman te kedsupaka zin te Andew te Kedhimeley, kekenà, edsupaken din daan is Megbevayà su egkeg̵iyen din he Amey zin is Megbevayà, he ke và dà egkeg̵iya, Megbevayè sikandin.”

Juan 5:37

Iyan sikandin midsug̵ù kediey ne edtistig̵usan e zin. Wazè niw mezineg is kegkag̵i zin ne wazè niw zaan maahà is dagwey zin.

Juan 6:69

Edtuu key kenikew su netuenan dey he iyan ka sikan is mibpilì te Megbevayà he ibpahadì.”

Juan 9:35

Ne nezineg ni Jesus haazà is mid-ulaula te menge punuan he menge Hudiyu zutun te neulian he lakap, ne mibpen-ehè din, ne hein neehè din mid-insaan din te, “Edtuu ke ve te Kakey te Menusiyà?”

Nengeulaula 1:9

Ne te nekag̵i ni Jesus haazà, nevatun sikandin pehendiyà te langit. Ne te kemulu zan pa edlingahà su ed-ahaan dan is kegkevatun din, neelangan si Jesus te g̵apun ne naawà sikandin diyà te ked-ehè dan.

Nengeulaula 7:37

Ne si Moises, migkeg̵iyan din is menge kepuun tew te, ‘Keuzemà duen daan ebpeneuven te Megbevayà he ed-uwit keniyu iring kedì te ebpeneuven din. Ne heini he ebpeneuven keuzemà, duma niw zaan he Hudiyu.’

Nengeulaula 8:36

Ne netegteg̵aad dutun nekeuma zan te wahig, ne migkag̵i haazà is upisyal te, “Wahig en heini; egkehimu ve ke ebewtismuwan a kenikew?”

Ruma 1:4

Ne is Nengazen tew he si Jesu Kristu, wag̵as sikandin he Megbevayà su anak daan sikandin te Megbevayà su impaahà heini kenitew pinaag̵i te zekelà he g̵ehem te Megbevayà he iyan imbanhew kandin.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

2 Pedro 1:17

Duma key zin dengan hein impaahà te Amey tew he Megbevayà is mekeg̵eg̵ehem he anlag din wey is utew zin kegkelavew. Nezineg dey is lalag te mekeg̵eg̵ehem he Megbevayà he migkag̵i te, “Iyan heini sikan is Anak ku he utew ku minahal; ingkesuat ku utew sikandin,” ke sikandin.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

Impezayag 1:7

Ebpekeuma si Jesu Kristu he ziyà egkeahà te menge g̵apun. Egkeahà sikandin te tivuuk he menusiyà ragkes is menge etew he mibpilak kandin dengan. Ne is langun he kelasi te menusiyà dini te kelibutan, ebpekesineg̵ew zan tenged kandin su egkehandek dan te silut. Metuman heini is langun.