Marcos 9:37 - Manobo Western Bukidnon

³⁷ Ne migkeg̵iyan din sikandan te, “Is etew he tenged te kedtuu zin kedì, edewaten din ne ebpurungan din is minsan hentei he vatà he iring kayi, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedi.”

Marcos 9:37 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Marcos 9:36

Ne zutun migkuwa ni Jesus is batà ne impeteliwazè din dutun te menge sumusundan din. Ne zutun midsepipi zin haazà is batà.

Lucas 10:16

Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

Lucas 9:48

ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”

Juan 10:30

Sevaha key zà, siak wey is Amey ku he Megbevayà.”

Juan 13:20

Utew venar is egkeg̵iyen ku keniyu he ke zuen etew he edewaten din is edsug̵uen ku, edewaten e zin daan, ne is edawat kediey, edewaten din daan is Amey ku he midsug̵ù kediey.”

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.